दिजि लकार

दिजि लकारा मा

दिजि लकारा जाबाय दाबसे गावारि दोनथुमनाय जायगा होग्रा जाय साफ्रोम थाग्रा आधार नम्बरजों फोनांजाबनाय। दिजि लकारखौ खैफोद गैयाजासे इ-दकुमेन्ट दोननो बाहायनो हायो लोगोसे बायदि बायदि बिफानफोरा होनाय इ-दकुमेन्टफोरखौबो दोननो हायो जाय रोखोमसे फुंखा सिनायथिग्रा (इउआरआइ) जों फोनांजाबनाय। दिजि लकारा होनाय दि इ-साइन राहा मावखान्थिखौ दिजिटेलि साइन इ-दकुमेन्ट महरै बाहायनो हायो।

दिजि लकारखौ वेब पर्टेल एबा मबाइलनि गेजोरजों बाहायनो हायो।

माबरै बाहायनो

नखरफोरनि थाखाय

• दिजिटेल लकार खेवनो थाखाय आधार नम्बर आरो आधारजों फोनांजानाय मबाइ नम्बरखौ नांगोन।
• लगिन खालामनो थाखाय आधार नम्बरखौ लगिननि जायगायाव बुनांगोन।
• मोनसे खनसे सम पासवार्द (अटिपि) खौ इउआइदिएआइ आव रेजिस्टार्द जानाय मबाइलाव दैथायहरगोन। [जुदि नोंनि मबाइल नम्बर आरो इ-मेइल आइदिया नोंनि आधार नम्बरजों रेजिस्टार्द जायाखैब्ला खाथिनि मुं थिसननाय मिरुवाव थां नङाबा नोंनि गोदानथि खावलायहरनायखौ लाइजामखनि जोहै मबाइ नम्बरखौ रेजिस्टार खालामनो दैथायहर]
• अटिपिखौ फिल्दाव सो आरो इउआइदिएआइ आ मोनसे इ-नोंनि जाग्राखौ मिथि (इ-के.वाइ.सि.)खौ मावगोन।
• खनसे इ-के.वाइ.सि. जाफुंब्ला थाग्राफोरा बायदि बायदि होग्राफोरा दिजिटेल लकाराव आपलद खालामनाय इउआरआइनि इ-दकुमेन्टफोरखौ नायनो हागोन।
• थाग्राफोराबो इ-दकुमेन्टफोरखौ बिसोरनि दिजिटेल लकाराव आपलद खालामनो हागोन आरो बिसोरखौ इ-साइन खालाम।
• थाग्राफोरा गावारि दकुमेन्टफोरखौ खावलायग्राफोरजों इ-दकुमेन्टाव फोनांजाबना खावलायग्राफोरनि इ-मेइल थङाव शेयार खालामनो हागोन।
• गोजौनि मावफारिया खनसे जाफुंखांब्ला नों नोंनि दिजिटेल लकार एकाउन्टाव आधार अटिपि एबा इउजारनेम आरो पासवार्द सोना एबा साइन इनजों ससियेल एकाउन्टाव साइन खालामनो हागोन।

होग्राफरनि थाखाय

• सासे होग्राया मोनसे जरखा होग्रा आइदि मोननो थाखाय दिजिटेल लकार मावफारियाव रेजिस्टार खालामनांगोन।
• खनसे मोनसे ID जाब्ला, होग्राया XML नि थिखानाय दोनथुमग्रायाव बिलायाव दोनथुमग्रा सिबिथाय होग्रा एपिआइ बाहायना दकुमेन्टफोर आपलद खालामनो हागोन।
• दोनथुमग्रायाव आपलद खालामनाय गांफ्रोम दकुमेन्टहा जरखा इउआरआइ होग्रा ID, दकुमेन्ट रोखोम आरो दकुमेन्ट ID थागोन। इउआरआइ आ दकुमेन्टखौ आधार नम्बरनि सायाव बिथा खालामनानै थाग्राफोरनि दिजिटेल लकाराव नारसोहरगोन।

खावलायग्राफोरनि थाखाय:

• सासे खावलायग्राया गिबियाव बर्द दिजिटेल लकार मावफारियाव मोनग्रा लामायाव रेजिस्टार खालामनांगोन।
• मोनसे मोनग्रा लामानि गेजेरजों सासे खावलायग्राया दकुमेन्टखौ इउआरआइ (रोखोमसे फुंखा सिनायथिग्रा) दकुमेन्टखौ रैखाथियै दोनथुमग्रानिफ्राय मोननो बाहायनो हायो।

सासे थागिरिनि दिजिटेल लकारनि गुबुन गुबुन गुदि बाहागोफोरा मा मा?

साफ्रोम थाग्राफोरनि दिजिटेल लकारा गाहायाव होनाय खोन्दोफोर थायो:

i. आंनि फोरमानलाफोर: बे खोन्दोआ मोननै खोन्दोसा गोनां

a. दिजिटेल दकुमनेटफोर- सरकारि बिफान एबा गुबुन एजेनसिफोरा थाग्राफोरनो होनाय इउआरआइ दकुमेन्टफोरा (फोनांजाबनाय) थागोन। मोनफ्रोम दकुमेन्टाव गाहायनि मिथिथायफोरा थागोन

• इउआरआइ
• दकुमेन्टनि मुं
• होनाय अक्ट
• शेयार अपशन

b. आपलद खालामनाय दकुमेन्टफोर- बे खोन्दोसायाव थाग्राफोरा आपलद खालामनाय दकुमेन्टपोरनि फारिलाइखौ नुनो मोनगोन। मोनफ्रोम दकुमेन्टाव गाहायनि मिथिथायफोरा थागोन

• दकुमेन्टनि मुं
• आपलद खालामनाय दकुमेन्ट
• स्टेटास: दकुमेन्टा इ-साइन खालामनाया नंगौ नानङा दिन्थिनो थाखाय।
• खामानि: दिजिटेल लकारनिफ्राय मोनसे दकुमेन्टखौ बोखारनो एबा दानगारनो।
• आबुं मिथिथाय
• शेयार: इ-मेइलि गेजेरजों आपलद खालामनाय दकुमेन्टखौ शेयार खालामनो।
• दिजिसाइन अपसन: खनसे मोनसे दकुमेन्टखौ इ-साइन खालामब्ला बेयो ‘√’ महरै दिन्थिगोन।

ii. आंनि प्रफाइल

बे खोन्दोआ इउआइदिएआइनि दाताबेजाव थानाय लेखा थाग्रानि आबुं प्रफाइखौ (मुं, जोनोम अक्ट, आथोन, थानाय थं, इ-मेइल, मबाइल नम्बर) दिन्थिगोन।

iii. आंनि होग्रा

बे खोन्दोआव होग्रानि मुं आरो थाग्रानो होग्राया होनाय दकुमेन्टफोरनि अनिजमा बायदिफोरखौ नुनो मोनगोन।

iv. आंनि हांख्राइगिरिफोर

बे खोन्दोआव हांख्राइगिरिया थाग्रानिफ्राय हांख्रायनाय हांख्राइगिरिफोरनि मुं आरो हांख्रायनाय दकुमेन्टफोरनि अनजिमाखौ नुनो मोनगोन।

v. दाइरेक्टरिफोर

बे खोन्दोआव रेजिस्टार जानाय होग्राफोर आऱो हांख्राइगिरिफोरजों लोगोसे बिसोरनि इउआरआइनि आबुं फारिलाइखौ नुनो मोनगोन।

दिजिटेल लकाराव आं माब्रै आंनि दकुमनेटखौ आपलद खालामनो हागोन?

आपलद खालामनाय राहाफोरा ‘आंनि फोरमानलाइफोर’ खोन्दोआव एग्रे बेग्रे।

1. गाहायाव दोननाय फारिलाइनिफ्राय गिबियाव नों दकुमेन्ट रोखोम (SSC फोरमानलाइ, HSC फोरमानलाइ, पान कार्द, भटार ID कार्द बायदि बायदि) खौ सायख।
2. दकुमेन्टनि मुं हो
3. दकुमेन्ट रोखोमनि सायाव बिथा खालामनानै सायखनाय दकुमेन्टजों सोमोन्दो गोनां गुबुन आबुं मिथिथायखौ सुफुंनांगोन।
4. दिजिटेल लकाराव आपलद खालामनो गोनां फाइलखौ नोंनि लकेल मेशिननिफ्राय सायख। आपलद खालामनो गोनां मोनफ्रोम फाइला 1MB नि बारा जानो मोननाय नङा [फाइलनि महरा 1 MB जानांगोन] आरो pdf, jpg, jpeg, png, bmp आरो gif रोखोमनि फाइलफोरल बाहायजागोन।
5. दकुमेन्टनि फोरमायथि हो (50 केरेक्टारनि गेजेराव)
6. आपलद बुटनखौ ‘क्लिक’ खालाम।

आपलद खालामखांनायनि उनाव ‘आपलद खालामनाय दकुमेन्टा’ खोन्दोसानि सिङाव फारिलाय खालामजागोन।

आं माब्रै इ-दकुमेन्टफोरखौ आंनि दिजिटेल लकाराव सेयार खालामनो हागोन?

• नोंनि दकुमेन्टखौ शेयार खालामनो थाखाय (‘दिजिटेल दकुमेन्टफोर’ ‘आपलद खालामनाय दकुमेन्टफोर’ नि सिङाव URI महरै मख) नों शेयार खालामनो नागिरनाय दकुमेन्टनि फोनांजाबनायखौ शेयार खालामनो थाखाय ‘शेयाराव’ क्लिक खालमनांगोन।
• मोनसे दाइलग बाकसु नुजाबोगोन। दाइलग बाक्सुवाव मोनग्रानि इ-मेइल थंखौ बु आरो ‘शेयार’ बुटामाव क्लिक खालाम।
• इ-मेइलनि गेजेरजों मोनग्राजों दकुमेन्टखौ शेयार खालामनाय जागोन। मोनग्राया ‘no-reply@digitallocker.gov.in’ निफ्राय मोनसे इ-मेइल मोनगोन।
• मोनग्राया इ-मेइलाव होनाय URI फोनांजाबनायखौ बाहायना दकुमेन्टखौ मोननो हागोन।

बेयो माब्रै हेफाजाब होनो नागिरो?

बेयो मोदोमबाङारि दकुमेन्ट बाहायनांयखौ खमायहोगोन आरो इ-दकुमेन्टनि फोरमानथिखौ होगोन। बेयो सरकारा होनाय दकुमेन्टखौ मोननायाव रैखाथि होगोन। बेयो सरकारनि खुंथाया बिफानफोर आरो एजेनसिफरनि खामानिफोरखौबो खमयहोगोन आरो थाग्राफोरा गोरलैयै सिबिथायखौ मोननायाव गोरलै जागोन।

दा रेजिस्टार खालाम

फुंखा: DigiLocker.gov.in