हम / समाज अनसाइ / एस.सि. जौगाखांथाय / स्टेन्द अप इन्दिया / स्टेन्द अप इन्दिया मावथांखि
सेयार
नाय
  • हादरसा सुजुनायनि थाखाय उदां

स्टेन्द अप इन्दिया मावथांखि

बे बाहागोआव स्टेन्द अप इन्दिया मावथांखिनि गुमुर होनाय जादों।

थांखि

जौसिन भारत (स्टेन्द अप इन्दिया) मावथांखिनि थांखिजों गंफ्रोमबो बेंकनि दालाइया कमैबो सासे अनुसूचित हारि एबा अनुसूचित जनजातिनि दाहारलाग्रा आरो सासे आइजो दाहारलाग्रानो गोदान (ग्रीनफील्ड) सानथांखिखौ फसंनो थाखाय 10 लाख रांनिफ्राय 1 कौटिसिमनि गेजेराव बेंका रां दाहार होनो नांगोन। बे हाबाफारिया माबा मोनसेसो दिहुननाय, सिबिथाइ एबा फालांगिजों सोमोन्दो गोनां जानो हायो। थिखानाय-नङै थुलुंगागिरिफोरनि बिथिङाव, 51% बाहागो आरो सामलायनायनि बिबाना अनुसूचित जाति/अनुसूचित जनजाति एबा थुलुंगागिरि आइजोनि सेराव थानो नांगोन।

उदायथि

  1. अनुसूचित जाति/अनुसूचित जनजाति आरो/एबा आइजो थुलुंगागिरि, जायनि बैसोआ 18 बोसोरनि बांसिन।
  2. मावथांखिनि सिङाव मददा खालि गोदान (ग्रीनफील्ड) सानथांखिनि थाखायलʼ। बे बिथिङाव, गोदान (ग्रीनफील्ड) सानथांखिनि ओंथिया जादों –मुलाम्फा मोनग्रा एबा दिहुनथाइ एबा सिबिथाइ आयदायाव एबा फालांगि आयदायाव गिबि खेब थुलुंगा होनाय।
  3. थिखानाय-नङै थुलुंगागिरिफोरनि बिथिङाव, 51% बाहागो आरो सामलायनायनि बिबाना अनुसूचित जाति/अनुसूचित जनजाति आरो/एबा थुलुंगागिरि आइजोनि सेराव थानो नांगोन।
  4. दाहारलाग्राया मोनबो बेंक/राङारि फसंथानाव बखिया गोनां जानो मोननाय नङा।

मददनि महर

10 लाखनिफ्राय 100 लाखसिमनि गेजेराव गासै सोलाव (थि समनि सोलाव आरो खामानियाव फोनांनाय गुदिरां फुन्जिजों लोगोसे)।

दाहारनि गोनांथि

अनुसूचित जाति/अनुसूचित जनजाति आइजो थुलुंगागिरिजों दिहुनथाइ, फालांगि आरो सिबिथाइ बिथिङाव गोदान थुलुंगा फसंनो थाखाय।

दाहारनि बिबां

थि समनि सोलाव आरो खामानियाव फोनांनाय गुदिरां फुन्जिजों लोगोसे सानथांखियाव नांगौ जानाय 75% गासै सोलाव। जुदि गुबुन माबा सानथांखिजों जथाइ लोगो लाफानानै दाहारलाग्रानि बाहागो लानाया सानथांखिनि खरसानि 25% बांसिन जायोब्ला, सानथांखिनि खरसानि 75% कभार खालामनायाव साननानै लानाय सोलाव सोमोन्दै शर्तवा बाहायजानाय नङा।

सुतनि हार

सुतनि हार सोमोन्दै थिखानाय थाखो (रेटिं थाखो) नि थाखाय बेंका थिखानाय खमसिन सुतनि हारा बाहायजागोन, जाय (गाहाइ हार (एमसीएलआर) + 3% + थिखानाय प्रीमियाम) निख्रुइ बांसिन जानाय नङा।

रैखाथि

बेंकफोरा थि खालामनाय बादियै, गिबि रैखाथिनि अनगायैबो, सोलाव संजाबफानाय रैखाथिनि गेजेरजों एबा स्टेन्द-आप इन्दिया सोलावजों सोलाव गेरेन्टि खान्थि मावथांखिनि गेरेन्टीजों थि खालामजानाय जागोन।

सोलाव सुखʼफिननाय

बांसिनै 18 दान सोलाव दोनथʼनायनि समखौ लाफानानै सोलावखौ 7 बोसोराव सुखʼनाय जागोन।

खामानियाव फोनांनाय फुन्जि

10 लाख सिमनि खामानियाव फोनांनाय फुन्जिखौ मोननो थाखाय, खामानियाव फोनांनाय फुन्जि अभारद्राफ्ट महरै दिहुनना होनाय जागोन। दाहारलाग्रानि खाबुनि थाखाय, रांखौ डेबिट कार्ड होनाय जागोन।

10 लाखनि बांसिन रांनि खामानियाव फोनांनाय फुन्जिनि थाखाय, खामानियाव फोनांनाय नोगोद हावलाद सिमा महरै दिहुनना होनाय जागोन।

मार्जिन रां

बे मावथांखियाव मार्जिन रांनि खाबु दं, जायखौ बिनायसाखौ मिरु/राइजो मावथांखिनि सोलायनायजों मोनहोनो हानाय जायो। बे बादि मावथांखिनि सिङाव मोननाय अनुदान मदद एबा मार्जिन रांखौ गोनांथिफोरखौ सुफुंनो थाखाय, बेफोर बादि गासैबो मामलायाव, दाहारलाग्राफोरा सानथांखिनि रांनि कमसिनै 10% गावनि बाहागोखौ लानाया गनायथावसिन जायो।

भारतनि अनुसूचित फांलांगियारि बेंकफोरनि गंफ्रोमबो दालाइयाव स्टेन्द आप इन्दिया मावथांखिखौ सालायनाय जागोन।

फुंखाः स्टेन्द आप इन्दिया पोर्टेल।

2.89655172414
दाजाब बिबुंथि

यदि कापि टिपाणी भवत्पक्षतः स्यात् तर्हि अत्र प्रस्तौतु

Enter the word
Back to top