प्रधान मन्त्री आवास योजना (गासैनिबो थाखाय न-नोगोर)

प्रधान मन्त्री आवास योजना (नोगोर) हाबाफारिखौ थाग्रा न आरो नोगोरनि निखावरिखौ फोजोबनाय (MoHUPA) बिफाना फैगौ 2022 नि गेजेराव, जाय बोसोराव हादरा उदांस्रिनि 75 बोसोर आबुं खालामगोन, बेयाव बयनिबो थाखाय न लुना होनायनि थांखिजों फोसावो। गाहायाव होनाय थोंजों हाबाफारिनि गेजेरजों मिसना स्लामाव थाग्राफोरखौ लाफानानै नोगोराव थाग्रा निखावरिफोरनि ननि आंखालखौ सुफुंनो थांखि लायो:

• हाखौ फुंखा महरै लानानै सरकारि नङै न लुग्राफोरनि मददजों स्लामाव थाग्राफोरखौ स्लामाव फसंफिननाय
• मुलाम्फा गोनां साबसिदिनि गेजेरजों निखावरि थाखोनि मानसिफोरनो लानो हाथाव थाग्रा न होनो नाजानाय
• पाब्लिक आरो प्राइभेट सेक्टरफोरनि जथाइ बान्जायनायजों लानो हाथाव थाग्रा न खालामना होनाय
• मुलाम्फा मोनग्राफोरा गावनो न लुना/बारायहोना लायोब्ला साबसिदि होनाय

मुलाम्फामोनग्राफोर

• बे मावथांखिनि गेजेरजों नोगोराव थाग्रा निखावरि मानसिफोरजों लोगोसे स्लामाव थाग्रा मानसिफोरनि ननि आंखालखौ सुफुंनो नाजानाय जादों। स्लाम सोदोबजों बै जायगाफोरखौ फोरमायनाय जादों जेराव मोनसे गुसेब जायगायाव कमैबो सा 300 सुबुंफोर एबा थोन थोन न आरो गाज्रि जायगायाव थोआ लोमा नवाव आरो नांगौ रोखोम खिग्रा हासुग्रा आरो लोंग्रा दैनि खाबु गैयै जायगायाव गं 60-70 नखरफोर थायो।
• मुलाम्फामोनग्राफोरा रांखान्थियारि लोरबां थाखो (EWS) आरो कम आरजिग्रा हानजानि (LIG) मानसिफोरखौ लाफायो। रांखान्थियारि लोरबां थाखो (EWS ) नि थाखाय बोसोरारि आरजिनायनि जखाया 3 लाख रांसिम आरो कम आरजिग्रा हानजा (LIG) नि थाखाय 3-6 लाख रांसिम। रांखान्थियारि लोरबां थाखोनि मानसिफोरा मावथांखिनि फारब्रैबो खनानिफ्राय मदद मोननो हायो ओरैहाय कम आरजिग्रा हान्जानि मानसिफोरा मावथांखिनि क्रेदित लिंक साबसिदि मावथांखि (CLSS) नि सिङावलʼ मुलाम्फा मोननो हायो।
• मावथांखिनि सिङाव रांखान्थियारि लोरबां थाखो एबा कम आरजिग्रा हान्जा महरै सिनायथिजानो थाखाय साफा साफा लननि आरजलाइ गथायग्राया गावनो होनानै लानाय सार्टिफिकेट/आरजिनायनि फोरमान महरै एफिदेभिट गथायनो नांगोन।
• गंसे मुलाम्फामोनग्रा नखराव फिसाइ, बिसि, हाबालायै फिसालाफोर आरो/एबा हाबालायै फिसाजोफोर थागोन।
• मावथांखिनि सिङाव मिरुनि मदद मोननो थाखाय भारतनि मोनबो जायगायावनो मुलाम्फामोनग्रा नखरा बिसि/फिसाइनि मुङाव एबा बिसि/फिसाइनि नखरनि रावबो मानसिनि मुङाव पाक्का न थानो मोननाय नङा।
• बे मावथांखिनि सिङाव मुलाम्फाखौ मोननो थाखाय मा अक्टʼनिफ्राय बै नोगोर ओनसोलाव मुलाम्फामोनग्राफोरा थाबोनाय जानांगोन बेनि अक्टʼखौ थि खालामना होनाया राइजोफोर/मिरुजों बेंजानाय राइजोफोरनि आखाइयाव थागोन।

स्लामाव मोनसे जिथाइयाव 34% बांनायखौ नायनानै, स्लामाव थानाय नखरफोरनि अनजिमाया 18 निजुट जागोन होनना थि खालामनाय जादों। बे मावथांखिनि सिङाव स्लामाव थायै नोगोरनि 2 निजुट नखरफोरखौबो सोफानो थि खालामनाय जादों। बेनिखायनो, बे गोदान मावथांखिनि गेजेरजों गासै ननि आंखालखौ सुफुंनो नागिरनायनि थांखिया 20 निजुट।

खाबु

• “गासैनिबो थाखाय थाग्रा न” मावथांखिखौ नोगोर ओनसोलनि थाखाय 2015-2022 नि गेजेराव बाहायनाय जादों आरो बे मावथांखिनि गेजेरजों फैगौ 2022 नि गेजेराव गासैबो मोनथावना नखर/मुलाम्फामोनग्राफोरनो थाग्रा ननि खाबु खालामना होनाय जागोन। बे मावथांखिया राइजोफोर आरो मिरुजों खुंजानाय राइजोफोरनि गेजेरजों मिरु अनसुंथाइखौ खामानि मावग्रा गौथुमफोरनो राननानै होगोन।
• मिरु खोन्दो मावथांखि महरै थिसनजानाय क्रेदित लिंकद साबसिदिनि अनगायै मावथांखिखौ मिरुजों अनसुंथाइ होजानाय मावथांखि (CSS) महरै थिसननाय जागोन।
• गावनि गासैबो बाहागोफोरखौ लाफाना मावथांखिया 17.06.2015 निफ्राय बाहायजायो आरो बेखौ 31.03.2022 सिम बाहायनाय जागोन।

सोफाना लानाय आरो सम

2011 मायथाइनि साननाय बादियै मोननाय गासै गं 4041 सेटिउटरि टाउनफोर जेराव गं 500 थाखो 1नि नोगोरफोराव नोजोर बोहोनाय जादों बेफोरखौ मोनथाम खोलोबाव गाहायाव होनाय बादियै सोफानाय जागोन:

• खोलोब 1 (एप्रिल 2015-मार्स 2017) आव गावसोर गोसो जानाय दिन्थिनाय बादियै राइजोफोर/मिरुजों बेंजानाय
राइजोफोरनिफ्राय गं 100 नोगोरफोरखौ लानाय जागोन।
• खोलोब 2 (एप्रिल 2017-मार्स 2019) आव उफेरा गं 200 नोगोरफोरखौ लाफानाय जागोन
• खोलोब 3 (एप्रिल 2019-मार्स 2022) आव गुबुन थाबावनाय नोगोरफोरखौ सोफानाय जागोन
बबेखानि, बिफाना, राइजोफोर/मिरुजों खुंजानाय राइजोफोरनिफ्राय माखासे खाबु गोनां दाबिफोर मोनोब्ला सिगांनि खोलोबफोराव उफेरा नोगोरफोरखौ सोफानो हानायनि मोनथाइ थागोन।
• गाहाइ नांगौ दाथायफोरजों लोगोसे मावथांखिया 30 बर्ग मिटार कारपेट एरिया न लुनायाव मदद होगोन। राइजो थाखोआव बिफानजों सावरायलायनानै मिरुनिफ्राय रांखान्थि मददखौ बांहोआ लासिनो राइजोफोर/मिरुजों बेंजानाय राइजोफोरा ननि महर आरो गुबुन खाबुफोरखौ सोलाय सोलʼ खालामहानायनि मोनथाइ थागोन। स्लाम जौगाखांहोफिनाय सानथांखि आरो गनायथावना न लुग्रा सानथांखिफोरा जयै नांगौ दाथाय जेरै दै, सिखोन-साखोन, नाला, लामा, मोब्लिब बायदिफोरनि खाबु खालामना होनो नांगोन। नोगोरनि ओनसोलारि गौथुमफोरा (ULB) क्रेदित लिंकद इनटारेष्ट साबसिदिनि आरो मुलाम्फामोनग्राफोरा लुनाय गंफ्रोमबो नवाव बेफोर गुबै गोनांथिफोरा थानायखौ थि खालामना होनो नांगोन।
• मावथांखिनि मोनफ्रोम खोन्दोनि सिङाव लुनाय नवा National Building Code (NBC) आ खाखाना होनाय मानथाखोजों गोरोबनाय जानो नांगोन। जुदि NBC आ खाखाना होनाय जखानि न लुनो थाखाय थोजासे हानि आंखाल जायो आरो जुदि मुलाम्फा मोनग्राफ्रा फिसा ननि थांखिखौ गनायथि होयो अब्ला SLSMC नि गनायथिजों राइजो/मिरुजों खुंजानाय राइजोफोरा जायगानि सायाव गनायजाथाव थांखि नाजावनो हायो। बे मावथांखिनि सिङाव लुजानाय/लुदेरजानाय गंफ्रोम नवा नांगौ रोखोम खिनाय-हासुनायनि खाबु थानो नांगोन।
• बे मावथांखिनि सिङाव लुजानाय नफोरा बांग्रिं, दैबाना, बारहुंखा, हा गिसिखानाय बायदिफोरनिफ्राय बारगʼनो हानाय रोखोमनि महर आरो दाथाय थानो नांगोन, लोगोसेनो National Building Code आरो गुबुन गनायथावना Bureau of Indian Standards (BIS) नि कडफोरजों गोरोबनाय जानो नांगोन।
• मिरुनि मददजों मावथांखिनि सिङाव मोननो हानाय बे नवा नखरनि गाहाइ बिगोमोजोनि मुङाव जानो नांगोन एबा जयै नखरनि गाहाइ बिगोमा आरो बिनि बिसिनि मुङाव जानो नांगोन, आरो जेब्ला नखराव रावबो बैसोगोरा आइजो थाया अब्ला नवा नखरनि हौवा सोद्रोमानि मुङाव जानो हायो।
• मावथांखिनि सिङाव लुजानाय नफोरखौ नायफिननो आरो जोथोन लानो थाखाय राइजो/मिरुजों खुंजानाय राइजो आरो मोनफुंहोग्रा गौथुमफोरा मुलाम्फा मोनग्राफोरखौ Resident Welfare Association फोर बादि गौथुम दानो गोसो बोहोनांगोन।
• मिरुनि मददजों मावथांखिनि सिङाव मोननो हानाय बे नवा नखरनि गाहाइ बिगोमोजोनि मुङाव जानो नांगोन एबा जयै नखरनि गाहाइ बिगोमा आरो बिनि बिसिनि मुङाव जानो नांगोन, आरो जेब्ला नखराव रावबो बैसोगोरा आइजो थाया अब्ला थाग्रा खोन्दो/नवा नखरनि हौवा सोद्रोमानि मुङाव जानो हायो।

मोनफुंहोनायनि आदब

मुलाम्फा मोनग्रा, ULB आरो राइजो सरकारफोरनो थोंजों मोनब्रै अपसन होनानै बे मावथांखिखौ खामानियाव बाहायनाय जागोन। बे मोनब्रै थोंगोर राहाफोरा गाहायाव होनाय बादि-

इन सितु स्लाम लुफामफिननाय

“हाखौ फुंखा महरै” लानानै बेखौ थोंगोरै खामानियाव बाहायनाय जागोन जेराव प्राइभट सेक्टरफोरा बाहागो लाफानानै मोनथावना स्लामाव थाग्राफोरनो न होगोन। स्लामफोरा मिरु सरकारनि हा/राइजो सरकारनि हा/ULB हा, गावारि हायानि जायाथों मानो बेखौ स्लामाव थानाय मोनथावना मानसिफोरनो न होनो थाखाय “इन सितु” लुफामफिननायनि सिङाव लाबोनाय जागोन। बेफोर बादि स्लामखौ लुफामफिननायनि थाखाय मिथिसार होफिननाय जागोन।

गर हिसाबै बे रोखोम गासै सानथांखिनि सिङाव मोनथावना स्लामाव थाग्राफोरनि बे रोखौम गासै ननि थाखाय स्लामाव फजʼफिननायनि अनसुंथाइ महरै नखरसेयाव 1 लाख रां होनाय जागोन।

क्रेदित लिंकद साबसिदिनि गेजेरजों न मोननो हानाय

क्रेदित लिंकद साबसिदिनि सिङाव रांखान्थि बिथिं लोरबां हान्जा आरो कम इनकाम हान्जानि मुलाम्फा मोनग्राफ्रा बेंक, Housing Finance Companies आरो गुबुन बेफोर बादि फसंथानफोरनिफ्राय गोदानै न लुनाय आरो थाखानाय नखौ बारायनाय महरै ननि लनफोर लानो हायो। क्रेदित लिंकद साबसिदिनि सिङाव 6 लाख रांसिमलʼ लन मोननो हागोन आरो बे रोखोम लना 15 बोसोरनि थाखाय एबा लननि समाव जाय मोनसेया कमसिन बोसोरसेयाव 6.5% सुदनि हाराव साबसिदि मोननो हागोन। सुदनि साबसिदिनि Net Present Value (NPV) खौ 9% रेहाय हाराव दिहुननाय जागोन। 6 लाख रांनि उफेरा लना साबसिदि गैयै हाराव जागोन। सुदनि साबसिदिखौ दाहार होग्रा फसंथानफोरा थाबैनो मुलाम्फा मोनग्राफोरनि लन एकाउन्टाव सोनानै होगोन जाय न लननि बजा आरो Equated Monthly Loan (EMI) खौ कम खालामनानै होगोन।

बे मावथांखिनि सिङाव लुजानाय नफोरनि कार्पेट एरियाया रांखान्थियारि लोरबां थाखोफोरनि थाखाय 30 बर्ग किलʼमिटार आरो कम इनकाम हान्जाफोरनि थाखाय 60 बर्ग मिटारसिम जानो हायो। थामहिनबा कार्पेट एरियाया बेनिख्रुइ बांसिन जायोब्ला मुलाम्फा मोनग्राफोरा बे मावथांखिनि सिहाव मुलाम्फा मोननो हानाय नङा।

बे मावथांखिनि सिङाव मेथर, आइजोफोर (रान्दिफोरनि खाबुवा बांसिन), सिदिउल कास्टस/सिदिउल ट्राइबस/गुबुन दावगानो हायै थाखोफोर, माइनरिटिस, देहायारि बेंगुरा गोनां मानसिफोर आरो हिजराफोरनो बांसिनै खाबु होनाय जागोन। मुलाम्फा लाग्राफोरा रांखान्थियारि लोरबां थाखो/कम इनकाम हान्जानि जानो नांगोन।

लोगोनांनानै न लानो हानाय

राइजो/मिरुजों बेंजानाय राइजो/नोगोरफोरजों लोगो नांनानै लुनाय गंफ्रोम रांखान्थियारि लोरबां थाखोनि ननि थाखाय मावथांखिनि सिङाव गंफायाव 1.5 लाख रां रांखान्थि मदद होनाय जागोन। न लानो हानाय सानथांखिया गुबुन गुबुन थाखोफोरनि (रांखान्थियारि लोरबां थाखो, कम इनकाम थाखो, गोबां इनकाम थाखो बायदिफोर) नफोरनि गलाय मोनदेर। नाथाय बेयो मिरुनि मददनि थाखाय गनायथावना जागोन, जुदि कमैबो बे सानथांखिनि 35% नफोरा रांखान्थियारि लोरबां थाखोनि थाखाय जागोन आरो मोनसे सानथांखियाव कमैबो गं 250 नफोर थागोन।

मुलाम्फा मोनग्राफोरा हारसिं हारसिं न लुना लानो हानायनि थाखाय साबसिदि

बे मददा बैफोर बादि रांखान्थियारि लोरबां थाखोनि गंफा गंफा नखरनि थाखाय जायनि मुलाम्फा मोनग्राफोरा बे मावथांखिनि सिङाव मोनबो रोखोमनि मदद मोननो हायाखै आरो बिसोर गावबा गाव गोदान न लुनो एबा थाखानाय नखौ फेहेरनो लुबैयो। बेफोर बादि नखरा मिरुनि 1.5 लाखनि मुलाम्फाखौ लानो हायो आरो HFA PoA नि बाहागो जानो हायो। बे न मावथांखिनि बाहागो जाना मिरुनि मदद मोननो थाखाय ‘मुलाम्फा मोनग्राफ्रा गावसोरनो लुनाय नवा’ थाखानाय ननिख्रुइ 9.0 बर्ग मिटार बांसिन जानो नांगोन।

बे मददखौ मोननो आसा लानाय मुलाम्फा मोनग्राफ्रा गावसोरनि मुङाव थानाय हानि नांगौ रोखोम बिलाइफोरखौ लाना ULB फोरनि सेरसिम थांनो नांगोन। बेफोर बादि मुलाम्फा मोनग्राफ्रा स्लामाव एबा स्लामनि बायजोआव थाग्राफोरबो जानो हागौ। बे मावथांखिनि सिङाव स्लामाव थाखानाय नाथाय जायखौ लुफामफिननाय जायाखौ बेफोर बादि मुलाम्फा मोनग्राफोरखौबो लाफानो हायो जुदि बिसोरहा कासा एबा खाव-फाक्का न दं।

राइजो/मिरुजों बेंजानाय राइजोफोरनि गनायथिजों बे मावथांखिनि सिङाव राइजो/मिरुजों बेंजानाय राइजोफोरजों सिनायथिजानाय मुलाम्फा मोनग्राफोरनि बेंक एकाउन्टाव मिरुनि मददखौ दिहुनना हरनाय जागोन।

बांसिनै मिथिनो थाखाय बेयाव थु।

फुंखा: नखर आरो नोगोरनि निखावरि होखारनाय बिफान, भारत सरकार

लोगो फुंखा

1. PMAY नि FAQ फोर
2. राइजो थाखोनि नदेल एजेन्सिफोर-फोनांजाबनि आबुं गुमुर (173 केबि)