सेयार
नाय
  • हादरसा सुजुनायनि थाखाय उदां

थि आयेनारि हेफाजाब

बे बिलाया समाजनि लोरबां थाखोनि सुबुंफोरनि थाखाय बेसेन नाङि आयेनारि हेफाजाबनि सोमोन्दै फोरमायथिगोन

भारतनि संबिजिरनि Article 39A आ राइजोनो थि आयेनारि हेफाजाब खान्थि, समानथाय सुबिदानि सायाव बिथा खालामनानै बिजिरनाय आरो जरखा थि आयेनारि बेसेन नाङि हेफाजाब, आरजाथाव आयेनारि खान्थि एबा बिथांखि एबा गुबुन रोखोमै बै सुबिदाफोरखौ थि खालामनो बिजिरनायखौ मोननायनि थाखाय रावबो नोगोरारिफोरखौ रांखान्थियारि एबा गुबुन हामोन्थाय गैयि जाहोननि थाखाय नेवसिगारा। आयेननि सिगाङाव समानथिखौ बिथा खालामनानै आयेन आरो मोनसे थि खान्थिखौ गासैनिबो सुबिदानि थाखाय Articles 14 आरो 22(1) या राइजोखौ मावथारनांगौ खालामनानै होदों। थि आयेनारि हेफाजाबा थि खालामनो दि संबिजिरारि समाय लानाया गावनि लाइजाम आरो जिउमा आरो समानथाय बिजिरनायखौ गोरोबि, उन गोग्लैसोनाय आरो लोरबां थाखोनि समाजनि थाखाय एग्रे बेग्रे खालामना होदों।

हादरारि थि आयेनारि सिबिथाय बिगोमा

हादरारि थि आयेनारि सिबिथाय बिगोमा (एन.ए.एल.एस.ए. NALSA) या थि आयेनारि सिबिथाय बिगोमा एक्ट 1987 नि सिङाव लोरबां थाखोनि समाजनो बेसेन नाङि थि आयेनारि सिबिथाय आरो दावराव दावसि जानायखौ बोस्रांना गोजोन लाबोनो थाखाय सुबुं आदालत दानो होयो। एन.ए.एल.एस.ए.आ गोदान दिल्लियाव दं। एन.ए.एल.एस.ए.( NALSA)नि बिथांखिफोर आरो बिथोनफोरा खामानियाव फैनाय बादियै सुबुंनो बेसेन नाङि सिबिथाय होनो थाखाय गंफ्रोम राइजोआव मावफुंनो हानाय बादियै सुबुं आदालत राइजो थि आयेनारि सिबिथाय बोगोमाखौ दानाय जादों। राइजो थि आयेनारि सिबिथाय बिगोमाखौ गोजौ बिजिरसालिनि मान गोनां गाहाय बिजिरगिरिया दैदेनो। बिथाङानो राइजो थि आयेनारि सिबिथाय बिगोमानि गाहाय बानजायगिरि। गंफ्रोम जिल्लायाव जिल्ला थि आयेनारि सिबिथाय बिगोमाखौ जिल्लायाव थि आयेनारि सिबिथाय हाबाफारिफोरखौ मावफुंनो दानाय जादों। जिल्ला थि आयेनारि सिबिथाय बिगोमाखौ गंफ्रोम जिल्ला बिजिरसालियाव फसंफानाय जादों आरो जिल्लानि जिल्ला बिजिरगिरिया मासिगिरि।

एन.ए.एल.एस.ए. (NALSA)/ राइजो बिगोमा/जिल्ला बिगोमाया बेसेन नाङि थि आयेनारि सिबिथाय होनाय

  • बिजिरसालिनि मासुल, मासुल मावखान्थि आरो गासै गुबुन गुबुन होनांगौ मासुलखौ होनांगोन एबा थि आयेननि मावफारिजों खरसखौ होफानांगोन।
  • मोनसे थि आयेननि मावफारियाव उकिल होनांगोन।
  • थि आयेनारि मावफारिनि गुबुन गुबुन लेखा बिलाइ आरो गनायथि होनाय बिथोननि कपिफोरखौ लानानै आरो जगायनानै।
  • थि आयेननि मावफारियाव लेखा बिलाइ, लेखा बिलाइ साफायनाय आरो राव सोलायनाय फोरमान बिलाइखौ लाफानानै आरजलाइखौ लाहार फाहार खालामनाय।

थि आयेनारि बेसेन नाङै सिबिथायखौ मोन्थाव गुबै सुबुं

  • आइजोफोर आरो खुदियाफोर
  • एस.सि. /एस.टि.(SC/ST)नि सोद्रोमाफोर
  • उद्यगनि खामानि मावग्रा मानसिफोर
  • मिथिंगायारि खैफोद, बिग्रायनाय, दै बाना, रानस्रावनाय, बांग्रि, उद्यगारि खैफोदाव गोग्लैनाय
  • बेंगुरा सुबुंफोर।
  • जोबथेसालियाव थानाय सुबुं
  • जाय सुबुंनि बोसोरि आया 1,00,000/- रांनि बारा नङा।

थि आयेनारि बेसेन नाङि सिबिथायखौ मोन्नो हायो:

  • जौसिन बिजिरसालि थि आयेनारि सिबिथाय कमिटि, 109, उकिलफोरनि चेम्बार, भारतनि जौसिन बिजिरासालि, गोदान दिल्लिनि जौसिन बिसिरसालिनि केसफोरनिफ्राय
  • राइजो थि आयेनारि सिबिथाय बिगोमानिफ्राय
  • गोजौ बिजिरसालि थि आयेनारि सिबिथाय कमिटि गोजौ बिजिरसालियाव थानाय गंफ्रोम गोजौ बिजिरसालनि थाखाय गोजौ बिजिरसालिनि केसफोरनिनिफ्राय
  • गंफ्रोम जिल्लायाव थाफानाय जिल्ला थि आयेनारि सिबिथाय बिगोमानिफ्राय।

सुबुं आदालात

सुबुं आदालता मोनसे आफाद जेराव गोदोना थानाय दावराव-दावसि/केसफोरखौ आयेनाव बिजिरनाय एबा सिगांग्रो मकर्दमा खोलोबखौ गोजोनै थि/समाधान खालामो। 1987 एक्टनि थि आयेनारि सिबिथाय बिगोमानि सिङाव सुबुं आदालतनो नांगौसेबां गोहोखौ होदों। बे एक्टनि सिङाव, सुबुं आदालता होनाय आयेनारि बिथोनखौ गंसे नखरारि बिजिरसालि आरो बेखौ जोबथा आरो गासै हान्जायानो मावथारनांगौ आरो बेनि राय होनायनि बेरेखा जायखि जाया बिजिरसालियाव आरज खालामजाया।

सुबुं आदालताव होजाथाव केसफोरनि आखुथाय

  • जायखि जाया केसफोरा बिजिरसालियाव गोग्लैसोना थायोब्ला
  • जायखि जाया दावराव दावसि जायखौ बिजिरसालियाव होनाय जायाखै आरो बेखौ बिजिरसालियाव होनायनि लामायाव थायोब्ला
  • सुबुं आदालताव जायखि जाया खोथा/बाथ्रा एबा बबेबा मोनसे दायखौ बिजिरनाय जाया जाय आयेननि सिङाव गलायमोन्देरै सोमोन्दो गैया।

बिजिरनाय/ थि खालामनायनि थाखाय सुबुं आदालताव होनाय केसखौ माब्रै मोन्नो हायो

क) बिजिरसालियाव गोग्लैनानै थानाय केस:

  • सुबुं आदालताव दावराव दावसिखौ दोलोफोरा बिजिरनो राजि जायोब्ला एबा
  • दोलोफोरनि बबेबा मोनसे दोलोआ बिजिरसालियाव आरजलाइ होयोब्ला एबा
  • बिजिरसालिया सुबुं आदालताव बिजिरजाथाव खोथा/बाथ्रा महरै गोजोन्नाय मोनोब्ला

ख. जायखि जाया दावराव दावसिनि सिगांग्रो मकर्दमा थाखो:

  • राइजो थि आयेनारि सिबिथाय बिगोमा एबा जिल्ला थि आयेनारि सिबिथाय बिगोमाया जायखि जाया मोनसे दोलोआ आरजलाइनि गेजेरजों रसिद होनायखौ लानानै जायखि जाया सिगांग्रो मकर्दमा खोलोबनि बेबादि खोथा बाथ्राखौ दावराव दावसि गैयाजासे गोजोनै थि खालामनो थाखाय सुबुं आदालताव दैथायहरनाय जायोब्ला।

राइजो थि आयेनारि सिबिथाय बिगोमानि वेबसाइट

  1. आन्दामान आरो निकबर

  2. अन्ध्र प्रदेश

  3. अरुनाचल प्रदेश

  4. < आसाम

  5. nk" बिहार

  6. चन्दीगर

  7. छत्तीसगर

  8. दाद्रा आरो नगर हवेली

  9. दामन आरो दिउ

  10. दिल्लि

  11. गवा

  12. गुजरात

  13. हारियाना

  14. हिमाछल प्रदेश

  15. जम्मु आरो काश्मीर

  16. झारखन्ड

  17. कर्नाटक

  18. केराला

  19. लाक्षादिप

  20. मध्य प्रदेश

  21. महाराष्ट्र

  22. मनिपुर

  23. मेघालय

  24. मिजराम

  25. नागालेन्द

  26. उरिसा

  27. पुदुचेरि

  28. पान्जाब

  29. राजस्टान

  30. सिक्किम

  31. तामिलनादु

  32. त्रिपुरा

  33. उत्तर प्रदेश

  34. उत्तरान्छल

  35. सोनाब बेंगल

राइजो थि आयेनारि सिबिथाय बिगोमाखौ सुलाद लानायनि आबुं थं:

फुंखा: एन.ए.एल.एस.ए.( NALSA)

3.25925925926
दाजाब बिबुंथि

यदि कापि टिपाणी भवत्पक्षतः स्यात् तर्हि अत्र प्रस्तौतु

Enter the word
Back to top