অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

बबेयाव माबोरै मुं थिसननो

आधारनि थाखाय मुं थिसन

  • आधाराव मुं थिसननाया बेसेन नाङि।
  • भारतनि जायखि जाया गनायथिजानाय आधार मिरुवाव नोंनि सिनायथि आरो थं फोरमानखौ लानानै मुं थिननो हागौ।
  • इउदिएआइ मावखान्थिया मोन 18 सिनायथि फोरमान आरो मोन 33 थं फोरमान बिलाइखौ नाजावो। हादराव बाहायजानाय आरो गनायजानाय सरासनस्रा सिनायथि फोरमान बिलाइ आरो थंफोरनि फारिलायफोरा जाबाय बिसायखथि फट आइ दि कार्द, रेशन कार्द, पासपर्ट आरो द्राइभिं लाइसेन्स। बेयाव क्लिक खालाम।
  • फट आइ दि कार्दफोरा जाबाय जेरै पान कार्द आरो सरकारनि आइ दि कार्दफोरा सिनायथि फोरमानलाइ महरै गनायजायो। थं फोरमानलाइफोरावबो दं थाम दाननि गोजाम एबा बेनिख्रुय बारा दाननि - दै- मोब्लिब - टेलिफननि बिल बायिदफोर।
  • In गोजौवाव होनाय फोरमानलाइफोरा नोंहा गैबायबायाब्ला, गेजेटेद मावखगोरा / तहसिलदारफोरा होनाय बिसोरनि लिरनाय पेदाव फट गोनां सिनायथिलाइ फोरमानलायखौबो थं फोरमानलाइ महरै नाजावनाय जायो। एम पि एबा एम एल ए/ गेजेटेद मावखगोरा / तहसिलदारफोर एबा गामिनि गाहाय पन्छायत एबा बेजों समान बिगोमा (गामियारि ओनसोलफोरनि थाखाय) फोरा फट सिथाबहोनानै होनाय थं फोरमानलाइखौ जोरथाय गोनां थं फोरमानलाइ महरै नाजावनाय जायो।
  • सोरनिबा नखराव गावबा गावनि जोरथाय फोरमानलाइ गैयाब्ला बै थाग्राया होनब्लाबो गावनि मुंखौ नखरनि गुदि फोरमानलाइनिफ्राय थिसननो हायो। बे बेलायाव नखरनि गाहाया गुदि फोरमानलायाव गिबियाव जोरथाय गोनां फोरमानलाइ सिनायथि आरो फोरमानलाइ थं लानानै मुं थिसननो नांगोन। नखरनि गाहाया होनब्ला नखरनि गुबुन सोद्रोमाफोरखौ मुं थिसनब्ला सिनायथि होनो हागोन। इउआइदिएआ आ गासै मोन 8 रोखोमनि फोरमानलाइखौ सोमोन्दो गोनां फोरमानलाइ महरै नाजावो। हादरारि गनायथाय गोनां फोरमानलाइफोर फारिलाइनि थाखाय बेयाव अन्नानै किल्क खालाम।
  • फोरमानलाइफोरा थोजासे गैयाब्ला, थाग्राया मुं थिसनग्रा मिरुवाव सिनायथि होग्रानि हेफाजाब लानो हागौ। सिनायथिहोग्राफोरा रेबथुमगिरजों गनायथिजानाय। बांसिनै रोखा जानोब्ला अन्नानै सोमोन्दो गोनां रेबथुमगिरिनि मावखवाव सुलाद ला।
  • मुं थिसननाय मिरुवाव, थिखालानाय लेखा बिलायाव नोंनि आबुं मिथिथायखौ सुफुं। नोंनि फट, आसिनि साब आरो मेगन फिथायखौबो स्केन खालामनानै मुं थिसननायनि मोनसे बाहागो महरै लागोन। मुं थिसननाय समाव नोंनि आबुं मिथिथायखौ ओइदिनखालिनो सोदांफिननो हागौ। नोङो गांसे आरायथा नङि मुं थिसननाय आरो मुं थिसननाय समाव लानाय सावगारि बायदिफोरनि फोरमानलाइ मोनगोन।
  • खनसेल मुं थिसननो नांगोन। गले गले मुं थिसनबाय थायोब्ला सम बारहोनायल जागोन मानोना नों मोनसेल आधार नम्बर मोननो हागोन।
  • नोंनि मिथिथाय होनायनि सायाव बिथा खालामनानै नोंनि आबुं मिथिथायखौ मिरुवै नाबिजिरनाय जागोन। जुदि नोंनि आरजलाया आबुं जाबायब्ला मोनसे आधार नम्बर सोरजिनाय जागोन आरो बेखौ लाइजामखनि जोहै नोंनिसिम दैथायहरनाय जागोन।
  • सिआइदिआराव थाग्रानि पेकेट दाताखौ मोन्नायनि उनाव आधारखौ मोननायनि समा 60-90 साननि गेजेराव जानो हागौ। अदेबानि एनपिआरनि गेजेरजों मुं थिसननायखौ खालामनाय जादोंब्ला बेनिख्रुय बांसिन समबो नांनो हागौ।

मुं थिसनखांनायनि उनाव मा जायो

मुं थिसनखांनायनि उनाव, सोदांनाय मावखान्थि (नांगौ जायोब्ला) आरो दाता पेकेटनि हेफाजाबौ मान नायनायखौ मिरु मुं थिसनथाय बिथोनगिरिया खालामो। बेनि उनाव मुं थिसनथाय एजेनसिया दाताखौ इउआइदिएआइनिसिम दैथायहरो। दाताखौ सिआइदिआरवा गोबां थाखोआव आन्जाद नायनाय आरो सोदांनाय जायो।

नंखाया नुजायिनि अनगायैबो बेयो बेखौबो थि खालामो दि दातानि फुंखाया थि फोरमान होबाय। थाग्रानिफ्राय ओनसोलारि आरो सावस्रियारि फोरमान बुथुमनायनि सायाव नमुना मान लानानै नायनाय जायो। बेनि अनगायैबो मावग्रा / बिथोनगिरि / सिनायथि होग्रा / मुं थिसनग्रा एजेनसि आरो रेबथुमगिरिया मोनफ्रोम पेकेटनि तथ्यखौबो फोसाबनाय जायो। दाता गुन नायनायखौ बारहोखांना आरो गुबुन गुबुन फोसाबनायफोरखौ खालामखांना थार फोरमान जानायनि उनावसो आधारखौ सोरजिनाय जायो।

जायखि जाया गोरोन्थि नुजाब्ला पेकेटा नांथाना थागोन। दिन्थि महरै जुदि मावग्राया मुं थिसननायाव दाताबेजाव फारिथि गैयि खालामदोंब्ला एबा फट आरो बैसो / आथोन (दिन्थि बादियै सासे खुदियानि फटनि बैसोखौखौ 50 मखदोंब्ला) खौ गोरोबलायि मोन्दोंब्ला अब्ला पेकेटा आरोबाव नायबावनायनि थाखाय नांथाना थागोन।

सोदांनाय खामानिनि थाखाय बेबादि पेकेटखौ जेराव हाथाव लाखिनाय जायो नङाब्ला नेवसिगारनाय लाइजाम एबा गोदान मुं थिसननफिननायनि थाखाय सुबुरथाय गोनां लाइजाम थाग्रानो दैथायहरनाय जायो। आधार लाइजामनि थाखाय भारतारि लाइजामखवा साफायनाय आरो दैथायनाय बिबानखौ मावो। आद्रा थानाय, दैथायहरनो गोनां जायगा बायदिफोरनि सायाव सोनारनानै भारतारि लाइजामखवा साफायना सरासनस्रायै आधारनि लाइजामफोरखौ थाग्राफोरनो मोनहोहैनो 3-5 सप्ताह सम लायो।

एनपिआरनि गेजेरजों मुं थिसननाय आधारनि बेलायाव फोरमान नायनाय मावखन्थिया जाबाय आरजिआइआ गनायथि होनाय एलआरइउआर (Local Register of Usual Residents) फोरमान नायनाय मावफारि। आधार नम्बरखौ एलआरइउआर मावफारनि गेजेरजों मावफुंखांनायनि उनावसो होनाय जायो जाय गोजौवाव फोरमायथिनाय समनिख्रुय बांसिन लानो हागौ। मुं थिसननाय समाव थाग्राफोरा मोननाय मुं थिसन फोरमानलाइखौ लाना बिसोरनि रेबथुमगिरिनि मुंखौ मुं थिसननाय मिरुवाव नायनो हागौ। भारतनि गाहाय रेबथुमगिरि जायोब्ला (आरजिआइ) अब्ला अननानै आबुं मिथिथायनि थाखाय आऱजिआइनि मावखवाव सुलाद ला।

बबेयाव मुं थिसननो

मुं थिसननाय मिरुफोर जेराव नों आधारनि थाखाय मुं थिसननो हागौ

आधाराव मुं थिसननो थाखाय लानाय सम

गाहायाव होनाय राइजोफोर / मिरुजों खुंजानाय राइजोफोर / जिल्लाफोरा गोसो होनो गोनां दि मुं थिसननायखौ भारतनि रेबथुमगिरि गाहायासो खालामो जाय हादरारि सुबुं रेबथुमनि बिबान गोनां।

राइजोफोर : अरुनाचल प्रदेश, आसाम, जम्मु आरो काश्मिर, मेघालय, मिजराम, अरिसा, तामिनादु आरो सोनाब बेंगल।

मिरुंजों खुंजानाय राइजोफोर: आन्दामान आऱो निकबर दिप, दादर आऱो नगर हावेलि आऱो लाक्षादिप।

कर्नाटका राइजोनि जिल्लाफोर: उदुपि, गदाग, उत्तरा कान्नारा, हाबेरि, दबनगिरि, बेंगालर गामियारि, चिक्काबालपुर आरो करागु।

जायखि जाया गुबुन गुबबुन राइजो मिरुजों खुंजानाय राइजो जिल्लाफोरा गोसो होनो गोनां दि जुदि बिसोर एनपिआरनि सिङाव मुं थिसनखाबायब्ला बिसोर इउआइदिएआइनि सिङाव मुं थिसननो हानाय नङा ।

फुंखा: इउआइदिएआइ



© 2006–2019 C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate