অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

डिजिटेल राङारि राहाफोर

डिजिटेल राङारि राहाफोर

डिजिटेल राङारि सरजाबथाया समाजनि माखासे लेखा फरा रोङै आरो गोथौ ओन्सोलनि थाखोनि सुबुंफोरनो खान्थियारि राङारि राहाफोरखौ डिजिटेल राहानि गेजेरजों मोननो हानायखौ फोरमायो। बे थांखिखौ मावफुंनो थाखाय डिजिटेल फाइनेन्सियेल सार्भिसेस (DFS) मुंनि मोनसे राहा जागायजेन्दों। बेफोरखौ बाहायगिरिफोरनि खाबु बादियै बानायनाय जादों आरो बेखौ बाहायगिरिफोरा गोरलैयैनो मोननो हायो आरो होग्रा गौथुमफोराबो बेखौ बाहायगिरिफोरनो जेबो जेंना गैयाजासे गथायनो हायो। बेफोरबादि डिजिटेल राङारि राहाफोरनि मोनथाम गुबै बिथिङा जादों- मोनसे डिजिटेल राहाजों राङारि लेनदेन (होनाय लानाय) नि खाबु, रिटेइल थान्दैफोर, आरो कास्टमार आरो एजेन्टा बाहायनाय मोनसे डिभाइस, सरासनस्रायै गंसे मबाइल फननि गेजेरजों बे राहायाव रां लेनदेन खालामनो हायो।

बेनि ओंथिया बेनोदि बेनि गेजेरजों बेंक राहा गैजायै गोबां बिबांनि सुबुंफोरा बे डिजिटेल राहानि गेजेरजों राङारि राहाफोराव मैखोमै मुलाम्फा जादों। बेंकफोर, माइक्रफाइनेन्स फसंथानफोर, मबाइल अपारेटरफोर आरो थार्द पार्टि खाबु होग्राफोरा स्मल स्केल एजेन्टफोरनि नेटवार्कनि गेजेरजों मबाइल फन, पइन्ट अव सेल डिभाइसफोरजों सोलिबायथानाय बेंकनि खरसानि खमसिनाव गुदि राङारि राहाफोरखौ साबसिन खाबुयाव होदों।

बे बिलाइयाव DFS नि गाहाय माखासे बाहागोफोरखौ गाहायाव होनायबादि सावरायनाय जादों

  1. कार्ड (Cards)
  2. इउ.एस.एस.दि. (USSD)
  3. ए.इ.पि.एस.(AEPS)
  4. इङ.पि.आइ.(UPI)
  5. रां मना (Wallet)

कार्ड (CARDS)

cards

कार्डफोरा मा?

बेफोरखौ सरासनस्रायै बेंकफोरा होयो आरो बेफोरखौ बिसोरो होनाय, कार्डनि बिगोमाया बाहायनाय आरो रां होनायनि सायाव सोनारनानै बाहागो खालामनो हायो। बेफोर कार्डफोरा मोनथाम रोखोमनि- देबिट कार्ड, क्रेदिट कार्ड आरो प्रिपेइड कार्ड।

गुबुन गुबुन रोखोमनि कार्डफोरा मा मा?

  1. प्रिपेइड कार्ड-बेफोराव बाहायगिरिनि बेंक एकाउन्टनिफ्राय सिगाङावनो सोखानाय थायो। बेफोरखौ मबाइल रिसार्जबादि रिसार्ज खालामनो हायो। बाहायनो रैखाथि।
  2. देबिट कार्ड-नोंहा जेराव एकउन्ट दं बे बेंकानो बेखौ होयो। बेहा बेंक एकाउन्टजों लिंक दं। देबिट कार्डखौ जायखिजाया (कारेन्ट, सेभिंस, अभारड्राफ्ट) एकाउन्ट गोनांनोनो होनाय जायो आरो जायखिजाया खरसा खालामामानो बेखौ लोगो लोगो एकाउन्टनिफ्राय दानखनाय जायो। बाहायगिरिया गावनि एकाउन्टाव जेसेबां रां दं बेसेबां बखनो हायो। बेखौ हादरनि सिङाव मोनसे एकाउन्टनिफ्राय गुबुन मोनसे एकाउन्टाव रां दैथायनो थाखायबो बाहायजायो।
  3. क्रेदिट कार्ड-बेखौ आर.बि.आइ.जों गनायजानाय बेंक/गुबुन खोन्दोफोरा होयो। बेखौ हादराव आरो हादरनि बायजोयाव (हादरगेजेरारि बाहायनायनि थाखआय होनायथायोब्ला) बो बाहायनो हायो। बेयो देबिट कार्डनिबादि नङा अदेबानि क्रेदिट कार्डजों सासे बाहायगिरिया गावनि एकाउन्टाव थानाय रांनि उफेरायैबो रां दिहुननो हायो। नाथाय क्रेदिट कार्डफोराव मोनसे थि सिमा होखानाय थायो जायनि गेजेरावलसो उफेरा रांखौ दिहुननो हायो।

आरोबाव बेयाव मोनसे थि सम खाना होखानाय दंदि जाय समनि गेजेराव बखनाय रांखौ होफिननांगौ। होखानाय समनि गेजेराव बखनाय रांखौ होफिनाब्ला कार्डखौ लानाय समाव रादाय खानाय बादियै सुदजों लोगोसे बेंकनो होफिननांगौ।

देबिट/क्रेदिट कार्डफोरखौ माबादि बाहायनांगौ

  1. ए.टि.एम.निफ्राय रां दिहुननो देबिट/क्रेदिटफोरखौ नांगौ आरो बेंका होनाय जरखा पिन अनजिमा (मोनब्रै अनजिमानि) खौ टाइप खालामनांगौ। सानसेयाव बेंका थि खालामना होनायसेबां रांखौ दिहुननो हायो।
  2. देबिट कार्डजों बाहायगिरिफओरा ए.टि.एम.नि गेजेरजोंनो राङारि आरो राङारि नङै लेनदेनफोरखौ मावफुंनो हायो जेरै बेंक एकाउन्टनि रां नायनाय, चेक एबा रां जमा होनाय, मिनि फारिलाय दिहुननाय बायदि बायदि फोरखौ बेंकनि दालाइ मावखआव थाङालासे मावफुंनो हायो।
  3. गाहाय रिटेइल गला आरो दखानफोराव हाथाय खालामोब्ला, गाहायनि राहाफओरखौ आजाव-

आं बेफोर कार्डफोरखौ मानो बाहायनांगौ?

  • नोंनि कार्डफोरखौ जेरावखि जाया हाथाय खालामनो बाहाय
  • गलायाव, ए.टि.एम., वालेट, माइक्र ए.टि.एम. अनलाइन हाथाय खालामनायफोराव बाहायनो हायो।
  • देबिट आरो क्रेदिट कार्ड मोननैखौबो ए.टि.एम.निफ्राय नगदा रां दिहुननो, बेसाद बायनो, पइन्ट अव सेल आरो अनलाइन बायनाय राहाफोरनि थाखाय बाहायनो हायो।
  • बाहायनाय जायखि जाया बिलफोरनि थाखाय बाहायजायो।
  • बाहायगिरिफोरा टिकेट (बिरखं दिङा, रेइलवे आरो बास) बुक खालामनो हायो, हटेल बुक खालामनो हायो आरो रेस्टरेण्टफोराव बिल होनो बाहायनो हायो।
  • जेरावनो कार्ड रिडार/पि.अ.एस. दाजेम दं बफोरावनो नोंनि कार्डफोरखौ बाहायनो हागोन।

कार्डखौ माबोरै मोननो हायो

बाहायगिरिफोरा देबिट/रुपे/क्रेदिटकार्डफोरखौ गासैबो पाब्लिक आरो प्राइभेट सेक्टरनि बेंकफओराव मोननो हागोन।

  • नोगोरारिफोरा गावबा गाव बेंक दालायाव आरजलाइ गथायनानै देबिट कार्डखौ मोननो हायो।
  • नोगोरारिफोरा देबिट कार्डखौ रुपे कार्डजोंबो सोलायनो हागोन।
  • जायफोर नोगोरारिफोरहा बेंक एकुन्ट गैजाया बिसिरि कार्ड मोननो थाखाय गिबियावनो एकाउन्ट खुलिग्रोनांगोन।
  • सोरखारि बिथोनबादियै गासैबो जन धन एकाउन्ट गोनांफोरनो रुपे कार्ड होनाय जागोन।

इउ.एस.एस.दि. (Unstructured Supplementary Service Data)

इउ.एस.एस.दि.(USSD) आ मा?

इउ.एस.एस.दि.नि ओंथिया दाथायारि नङै उफेरा राहानि खारिथि (Unstructured Supplementary Service Data)। बेयो मोनसे राहा जायनि थांखिया हादरनि साफ्रोमबो सुबुंफोरखौ बेंकिं राहाखौ लाहोनाय। बे राहाया साफ्रोमबो बाहायगिरिफोरखौ ओन्सोलनि जायखि जाया टेलिकम राहाया होनाय मोनसेल मबाइल हेण्डसेटनि नम्बरजों बेंक राहाफोरनि खाबुखौ लानो गनायथि होयो। बेखौ हादरारि जथाइ इउ.एस.एस.दि. बिथा (NUUP) आ शर्ट कड (short code) *99#। बे राहाजों सासे बाहायगिरिनो सानसेयाव 5000 रांसिम दैथायनो हायो।

नोंहा मा थानांगौ ?

  • बेंकाव मोनसे एकाउन्ट थानांगौ
  • जि.एस.एम. नेटवार्कनि जायखि जाया मबाइल फन
  • बाहायगिरिनि एकाउन्टा बेंकाव रेजिष्टार्ड मबाइल नम्बर थानांगौ।

आं बेखौ माबोरै बाहायनांगौ

  1. नोंनि बेंक एकाउन्टजों मबाइल नम्बरखौ लिंक खालामनो बेंकनि दालाइयाव थां (ए.टि.एम. आरो अनलाइनबो खालामनो हायो)
  2. नों मबाइल मानि आइडेन्टिफायार (MMID) आरो मबाइल पिन (MPIN) मोनगोन।
  3. मबाइल पिन (MPIN) खौ गोसोआव लाखि।

इउ.एस.एस.दि. (USSD) नि खाबुफोरा मा मा ?

इउ.एस.एस.दि. राहाखौ लानायनि थाखोफोर

नोंनि फननिफ्राय नोंनि प्रिपेइद बेलेन्सखौ मिथिनो थाखाय जोबोद गोरलै। बेखौ सरासनस्रा मबाइल फनजोंबो लेनदेन खालामनो हायो।

Link your mobile number to your bank account

  • नोंनि एकाउन्ट नम्बरजों मबाइल नम्बरखौ लिंक खालामना ला
  • नोंनि मबाइनिफ्राय *99# दायल खालाम
  • गुसुंमुंनिसोलायनोंनिबेंकनिगिबिमोनथामहांखोखौहोएबाआइ.एफ.सि.निगिबिमोनब्राहांखोखौ हो
  • आइ.एफ.एस.सि. (IFSC)
  • फाण्ड ट्रेन्सफार-एम.एम.आइ.दि.(Fund-Transfer-MMID) राहाखौ सायख
  • रां होग्रानि मबाइल नम्बर आरो एम.एम.आइ.दि.(MMID) खौ हो।

नोंनि रां आरो एम.पिन (MPIN) खौ हो, मोनसे स्पेस (लांदां) दोन आरो नोंनि एकाउन्ट नम्बरनि जोबथा मोनब्रै अनजिमाखौ हो।

गोजौआव मखनाय बिखान्थिफोरखौ खालामोब्लानो नों रांखौ दैथायहरनो हागोन।



© 2006–2019 C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate