गाहाइ मन्थ्रि जोंसार यजना (प्रधान मन्त्री उज्वल यजना)

गाहाइ मन्थ्रि जोंसार यजनाया जाबाय मोनसे पेट्रलियाम आरो मिथिंगायारि गेस मन्त्रालयनि निखाउरि सिमानि सिङाव थानाय आइजो नखरनो बेसेन लायाजासे एल.पि.जि. होनायनि स्किम।

नांगोन

भारताव निखाउरिफोरा जखानिल संनाय गेस (एल.पि.जि.) मोनो। एल.पि.जि. सिलिन्दारनि गोसारथिया गाहायै सोहोर आरो खाव-सोहोर ओनसोलफोराव गेजेर थाखोनि आरो गोनां सुबुंफोरनि गेजेराव बांसिन। नाथाय संनायजों सोमोन्दो गोनां जिबास्म खाम मुवाया सावस्रिनि थाखाय खहा गोनां। WHO नि सान्नाय बादियै साखोन नङि संनाय खम मुवानि थाखाय भारताव 5 लाखसो सुबुं थैनो गोनां जायो। बांसिन समजास्लाबि बेफोर थैनाया मिथिस्लाबमोनि बेराम जेरैहाय बिखानि बेराम, स्ट्रक, गोजाम बेरामनि थाखाय थै खारसारनो हायि आरो हावफावनि जक्षा बेराम। इसिङारि बार गुबुंनायाबो गोबां जाखांफुनाय खुदियाफोरखौ हां लानाय बेरामाव खोख्लैनायनि जाहोन। रोंगसाफोरनि बादियै गंसे ओंखाम संग्रायाव उदांङै खामबाय थानाय अरा घन्टासेयाव गं 400 सिगारेट खामनायजों समान।

एल.पि.जि.खौ BPL नखरनो फोनांजाबनाय होनाया हादराव संनाय गेसखौ बयबो मोन्नो हानाय जागोन। बे राहाया आइजोफोरखौ गोख्रों आरो बिसोरनि सावस्रिखौ रैखाथि होनायाव हेफाजब होगोन। बेयो बालुलु खस्थ गोनां आरो संनायाव सम एंगारनायखौ खम खालामगोन। बेयो लोगोसे गामिनि जौमोनफोरनो संनाय गेस जगायनायनि खामानिबो होगोन।

थांखि मुलाम्फाफोर

बे स्किमनि सिङाव गासै बा कौटि एल.पि.जि. BPL नखरनो होनाय जागोन। मोन्थावना BPL नखरफोर सिनायथिनायखौ राइजो सरकार आरो मिरुजों जानाय राइजोफोरजों सावरायना थि खालामनाय जागोन।

BPL आ जाबाय सासे सुबुं/नखर जाय 2011-(SECC, Socio-Economic Caste census) नि खारिथि बिथानि बादियै (गामिनि) समाज-रांखान्थि हारि सुबुं सानखोनि सिङाव खमैबो नसेबाबो बनसित जानांनाय। नोगोरनि निखाउरिफोरखौ सिनायथिनो थाखाय आलादा दिथाफोरखौ होनाय जागोन।

अदेबानि सायखनायनि मुलाम्फाखौ BPL नखरनिफ्रायल होनाय जागोन, सिगांग्रो बान्जायनायखौ एस.सि. /एस.टि (SC/ST )आरो समाजनि लोरबां थाखोनो होनाय जागोन।

LPG फोनांजाबनायखौ बे स्किमनि सिङाव BPL नखरनि आइजोफोरनि मुङावल होनाय जागोन।

नोगोरारिफोरनि मुलाम्फाफोर

स्किमनि सिङाव बा कौटि LPG फोनांजाबनायखौ BPL नखरनो होनाय जागोन। गंफ्रोम LPG फोनांजाबनायाव BPL नखरनो स्किमा 1600 रां रांखान्थियारि हेफाजाब होगोन। सामलायथाय गंफ्रोम फोनांजाबनाय 1600 रां, जेराव दंफाबावो गंसे सिलिन्दा, प्रेसार रेगुलेटर, दिथायारि बिजाब, रैखाथि आगजु बायदिफोरखौ सरकारानो होगोन

स्किमखौ बाहायनायनि मदेलिटिफोर

• सासे BPL नखरनि आइजो जायहा उफ्रा LPG फोनांजाबनाय गैया अब्ला गंसे गोदान LPG फोनांजाबनायनि थाखाय (थिखानाय आरजबिलायाव) LPG रानग्रानियाव आरज खालामनो हागौ।
• आरज बिलाइखौ होनाय समाव आइजोफोरा थं, जनधन/बेंक ओकाउन्ट आरो आधार नम्बर बायदिफोरनि आबुं फोरमायथिखौ होनांगोन (आधार नम्बरा गैयाब्ला, BPL नरनि आइजोफोरनो UIDAI नि हेफाजाबै आधार नम्बर होनायनि राहाखौ लानाय जागोन।)
• LPG खोन्दोनि मावखवा SECC-2011 नि खारिथि बादियै आरज बिलाइखौ गोरोबहोना नायगोन, BPL नि फोरमायथिया थि जानायनि उनाव OMC आ होनाय बादियै आबुं फोरमायथिखौ (मुं, थं बायदिफोरखौ) लगिन/ पासवार्डनि जोहै OMC वेब पर्टेलाव थिसन।
• OMC आ इसेकट्रनिक दाजेमनि जोहै नकल खालामनायखौ हमगोन आरो गुबुन राहा गंसे गोदान LPG फोनांजाबानाय खामानिखौ मावगोन।
• फोनांजाबनायखौ OMC आ मोन्थाव मुलाम्फागिरिनो होगोन (गोजौवाव मखनाय बायदि बायदि थाखोखौ फोजोबखांनायनि उनाव) ।
• फोनांजाबनायनि मासुल होनायनि बिबानखौ सरकारा लादोंब्लाबो OMC आ गोदान जाग्रानो EMI सायखनो मोनसे सुबिदा होगोन जुदि बियो गंसे संग्रा आगदाब आरो गिबि सोफिन्नायनि बेसेनखौ सुफुंनो लुबैयोब्ला। EMI होनांगौखौ OMC आ जाग्राया खनफ्रोम सोफिन्नाय साबसिदिनि रांजों सुखुफिन्नो हागौ। बे बेलायाव सरकार एबा गाव सिबिथाय आफाद एबा सोरबा सुबुङा गोसो जाना गंसे आगदाब आरो/एबा गिबि सोनायखौ OMCनि हेफाजाबजों बेसेन लायाजासे बे खामानिखौ मावनो हागौ। अदेबानि बेयो PMUY नि सिगाङाव गासै मावफारि खामानिफोरा थानो हागौ आरो जेबो स्किमनि मुं/टेगलाइनखौ पेट्रलियाम आरो मिथिगायारि गेस मन्त्रालयनि (MoP&NG) गनायथिनि फोरमायथि गैयालाबा खालामनो हानाय नङा।
• OMC आ दाब दाब जायगाफोराव BPL नखरनो फोनांजाबनाय होनो थाखाय मेलाफोरबो खुंगोन। ओनसोलफोनि राइजोआरि थान्दैफोर आरो मजाथाव सुबुंफोरनि नुजाथिनायाव बे खामानिखौ मावनाय जागोन।
• जायगानि थासारिखौ नायनानै बे स्किमा BPL नखरफोरनो गासै रोखोमनि रानसारना होग्राफोरनो बायदि बायदि महरनि सिलिन्दार (जेरैहाय 14.2 केजि, 5 केजि बायदिफोर) खौ होगोन।

फुंखा: पेट्रलियाम आरो मिथिंगायारि गेस मन्त्रालय