অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

गाहाइ मन्त्री देहा रैखाथि मावथांखि (PMSSY)

थांखि

गाहाइ मन्त्री देहा रैखाति मावथांखिया (PMSSY) सरासनस्रायै हादरनि गुबुन गुबुन बाहागोफोराव देहा जोथोननि खाबुफोरखौ समानै मोनफुंजोबनो हायैनि सायाव नोजोर होयो आरो लोगोसेनो जरʼखायै नांगौ जखानि देहा जोथोन मोनै राइजोफोराव गुनगोनां देहा सोलोंथाइनि खाबुफोरखौ बांहोनो थांखि लायो। बे मावथांखिखौ 2006 मायथाइनि मार्स दानाव जागायदोंमोन।

खामानियाव बाहायनाय

गिबि खोलोब

PMSSY नि गिबि खोलोबाव मोननै गाहाइ बाथ्राफोर दंमोन-AIIMS महरनि गंदʼ फसंथानफोर फसंना; आरो थाखानाय गं 13 सरकारि देहा फाहामसालि फसंथानफोरखौ जौगा महर होनाय।

गं 6 AIIMS महरनि फसंथान गंफायै बिहार (पातना), चत्तीशगड़ (रायपुर), मध्यʼ प्रदेश (भुपाल), उड़िस्सा (भुबनेश्वर), राजस्थान (जधपुर) आरो उत्तराञ्चल (ऋषिकेष) आव गंफायाव 840 कौटि रां खरसा खालामनानै लुफुंनो थांखि लानाय जायो। बे राइजोफोरखौ बायदिसिना समाज-रांखान्थि बिथिं जेरै सुबुं जौगानायनि नोजोर, लेखा रोंनायनि हार, निखावरि सिमा हांखोनि सिंनि सुबुं आरो बोसोरारि आइ आरो देहानि बायदि बिथिं जेरै सुबुं-बिसनानि रुजुजखा, गिथाव बारस्लायनो हानाय बेरामफोरनि थानाय हार, खुदियाफोरनि थैनाय हार बायदिखौ नोजोराव लाखिनानै थि खालामनाय जादों। गंफ्रोम फसंथानफोरा 960 बिसनानि देहाफाहामसालि जागोन (500 बिसनाया मेदिकेल कलेज देहाफाहामसालिनि थाखाय; 300 बिसनाया जरʼखा/बां जरʼखानि थाखाय; 100 बिसनाया ICU/जाब्रबथाइयाव भुगिनांनायफोरनि थाखाय;30 बिसनाया देहायारि मुलि आरो सुंथाफिननायनि थाखाय आरो 30 बिसनाया आयुशनि थाखाय) जेराव देहाजोथोननि खाबुखौ मोन 42 जरʼखा/बां जरʼखा आयदाफोराव होनो थि खालामनाय जादों। ग्रेजुवेट थाखोआव देहाफाहामसालियाव सा 100 फरायसाफोरा मुं थिसननो हागोन। बेनि अनगायैबो Medical Council of India (MCI) नि नेमखौ मानिनानै बायदि आयदायाव PG/doctoral course आरो Nursing Council नि नेमखौ मानिनानै nursing college खुलिनायनि खाबुबो थागोन।

बेनि अनगायैबो, 120 कौटि रां (मिरु सरकारनि 100 कौटि आरो राइजो सरकारनि 20 कौटि) गंफा फसंथानाव खरसा खालामनानै गं 10 राइजोफोराव थाखानाय गं 13 देहा फसंथानफोरखौ जौगाहोनाय जागोन। बे फसंथानफोरा

  • सरकारि मेदिकेल कलेज, जम्मु आरो काश्मीर
  • सरकारि मेदिकेल कलेज, श्रीनगर, जम्मु आरो काश्मीर
  • कलकाता मेदिकेल कलेज, कलकाता, सोनाब बंगʼ
  • सन्जय गान्धी पस्ट ग्रेजुवेट इनस्टिटिउट अफ मेदिकेल सायन्सेस, लक्ष्नौ, उत्तर प्रदेश
  • इनस्टिटिउट अफ मेदिकेल सायन्सेस, बिएइसइउ, बाराणसी, उत्तर प्रदेश
  • निजाम इनस्टिटिउट अफ मेदिकेल सायन्सेस, हाइद्राबाद, तेलेंगाना
  • श्री भेंकातेश्वरʼ इनस्टिटिउट अफ मेदिकेल सायन्सेस, तिरुपति, अन्ध्र प्रदेश
  • सरकारि मेदिकेल कलेज, सालेम, तामिल नादु
  • बि जे मेदिकेल कलेज, आहमेदाबाद, गुजरात
  • बांगालर मेदिकेल कलेज, बांगालुरु, कर्णाटक
  • सरकारि मेदिकेल कलेज, थिरुभनन्तपुरम, केरेला
  • राजेन्द्र इनस्टिटउट अफ मेदिकेल सायन्सेस (RIMS), रान्सी
  • ग्रेन्टस मेदिकेल कलेज आरो सार जे जे ग्रुप अफ हस्पिटालस, मुम्बाइ, महाराष्ट्र

नैथि खोलोब

PMSSY नि नैथि खोलोबाव सरकारा AIIMS-महरनि गंनै फसंथान गंफायै सोनाब बंगʼ आरो उत्तर प्रदेशाव आरो गं द मेदिकेल कलेज फसंथानफोरखौ जौगा महर होनायाव गनायथि होदों। बेफोर जादों-

  • सरकारि मेदिकेल कलेज, अमृतसर, पान्जाब
  • सरकारि मेदिकेल कलेज, तान्दा, हिमाचल प्रदेश
  • सरकारि मेदिकेल कलेज, मादुराइ, तामिल नादु
  • सरकारि मेदिकेल कलेज, नागपुर, महाराष्ट्र
  • आलिगढ़ मुसलिम मुलुगसोलोंसालिनि जवाहरलाल नेहरु मेदिकेल कलेज, आलिगढ़
  • पण्डित बि दि शर्मा पष्टग्रेजुवेट इनस्टिटिउट अफ मेदिकेल सायन्सेस, रहताक

AIIIMS-महर फसंथाननि थाखाय गंफायाव 823 कौटि रां खरसा थि खालामनाय जादों। मेदिकेल कलेज फसंथानखौ जौगाहोनायनि थाखाय मिरु सरकारनि बिथिंनिफ्राय गंफायाव 125 कौटि रां खरसा बानसʼगोन।

थामथि खोलोब

PMSSY नि थामथि खोलोबाव, गाहायाव होनाय थाखानाय मेदिकेल कलेज फसंथानफोरखौ जौगाहोनो थांखि लानाय जादों। बेफोर जादों-

  • सरकारि मेदिकेल कलेज, झान्सि, उत्तर प्रदेश
  • सरकारि मेदिकेल कलेज, रेवा, मध्यʼ प्रदेश
  • सरकारि मेदिकेल कलेज, गरखपुर, उत्तर प्रदेश
  • सरकारि मेदिकेल कलेज, दारभांगा, बिहार
  • सरकारि मेदिकेल कलेज, काजिकोड, केराला
  • विजयनगर इन्सटिटिउट अफ मेदिकेल सायन्सेस, बेल्लारी, कर्णाटक
  • सरकारी मेदिकेल कलेज, मुजाफरनगर, बिहार

बे सानथांखिनि सिङाव गंफ्रोम मेदिकेल कलेज फसंथानखौ जौगाहोनो 150 कौटि राङै थि खालामनाय जादों, बेफोरनि गेजेराव 125 कौटि रांखौ मिरु सरकारा दिहुनना होगोन आरो 25 कौटि रांखौ गावबागाव राइजो सरकारा बानसʼनांगोन।

फुंखा: PMSSY नि वेबसाइट



© 2006–2019 C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate