অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

मिसन इन्द्रधनुष

बे आयदायाव मिसन इन्द्रधनुषखौ सोफानाय जादों जाय 2020 मायथाइनि गेजेराव बै गासैबो गथʼफोरखौ सोफानो थांखि लादों जायफोरा थिखा थुजाथारनो मोनाखै, एबा बेराम होबथानो हानाय गंस्नि थिखाफोरनि खावसेलʼ थुजादों।

मिसन इन्द्रधनुषखौ भारत सरकारनि देहा आरो नखर अनसाइ बिफाना 25 दिसेम्बर, 2014 मायथाइयाव फोसावदोंमोन। 2009-2013 मायथाइनि गेजेराव थिखा थुनाया 61% निफ्राय 65% सिमलʼ बांदोंमोन, जेराव बोसोरफ्रोमावबो 1% जौखोन्दोलʼ बांनाय दिन्थिदोंमोन। बोसोरफ्रोमावबो 5% आरो बेनिख्रुइ बांसिन गथʼफोरनो थिखा थुनानै बे हाबाफारिखौ गोख्रै खालामनो, इन्द्रधनुष मिसना 2020 मायथाइनि गेजेराव गासैबो गथʼफोरनो थिका थुजोबनो थांखि नाजावो।

थांखि

जाइख्लंनि मोनस्नि गाबखौ फोरमायनाय मिसन इन्द्रधनुषा 2020 मायथाइनि गेजेराव बै गासै गथʼफोरखौ सोफाना लानो थांखि लादों जायफोरा थिखा थुवालासिनो दोनजादों, एबा खाव-थिखालʼ थुजाना थादों बै मोनस्नि थिखा थुजानानै होबथानो हाजानाय बेरामनिफ्राय जायफोरा जादों दिफथेरिया, हुपिं कफ, तितेनास, पलिअ, जक्ष्मा, आइ आरो हेपाटाइटिस बि।

खामानियाव बाहायनाय

नोजोर बोहोनाय आरो फारियै थिखा थुनाय खामानिखौ बयनिबो नोजोर बोहोनो हानाय रोखोम केमपेइननि गेजेरजों खालामनाय जागोन जायजों बै गासैबो गथʼफोरखौ सोफानो नाजानाय जादों जायफोरा थिखा थुजानायनिफ्राय बारगʼलांदों एबा खाबुखौ मोननो हायाखै। लोगोसेनो गोरबोआव गथʼ थानाय आइजोफोरनो टिटेनासनि थिखा, अआरएस पेकेट आरो जिंक टेबलेटफोरखौ गोबार खिलाइ-गोबालाय जानाय एबा देहायाव कम जानाय समाव बाहायनो रानना होनाय जादों आरो गथʼफोरखौ गोख्रों खालामनो थाखाय भिटामिन एनि दसफोरखौ होनाय जादों।

मिसन इन्द्रधनुष खोलोब 1 खौ गं 201 गोख्रों नोजोरगोनां जिलाफोराव फारियै दानब्रैनि थाखाय 7 एप्रिल 2015 निफ्राय सप्ताह खनसेनि थाखाय जरʼखा गोख्रों थिखा थुनाय हाबाफारिनि सिङाव जागायनाय जादोंमोन। बे खोलोबाव, 75 लाखनिख्रुइबो बांसिन गथʼफोरनो थिखा थुनाय जादोंमोन आरो बेफोरनिनो 20 लाख गथʼफोरनो आबुं थिखा थुनाय जादोंमोन आरो 20 लाखनिबो बांसिन गोरबोआव गथʼ थानाय आइजोफोरनो टिटेनास टक्सइद थिका थुनाय जादोंमोन।

सरकारा मिसन इन्द्रधनुषनि खोलोब 2 खौ हादरनि मोन 352 सायखʼजानाय जिलाफोराव फोसावदोंमोन बेफोरनिनो मोन 279 जिलाफोरा गेजेरखोलोब नोजोरगोनां जिलाफोर आरो आद्रा थानाय मोन 73 जिलाफोरा खोलोब 1 नि गोख्रों नोजोरगोनां जिलाफोरमोन। मिसन इन्द्रधनुषनि खोलोब 2 नि समाव, सप्ताह खनसे समनि मोनब्रै जरʼखा थिखा थुनाय हाबाफारिखौ अक्टʼबर 2015 निफ्राय जागायनाय जादोंमोन।

खोलोब 1 आरो खोलोब 2 नि जरʼखा थिखा थुनाय हाबाफारिनि सिङाव 1.48 कौटि गथʼफोर आरो 38 लाख गोरबोआव गथʼ थानाय आइजोफोरखौ उफेरायै थिखा थुनाय जादोंमोन। बेफोरनि गेजेराव 39 लाख गथʼफोर आरो 20 लाखनिबो बांसिन गोरबोआव गथʼ थानाय आइजोफोरनो उफेरायै आबुं थिखा थुनाय जादोंमोन। हादरनाङै जौगा नोजोरगोनां आरो गेजेरखोलोब-नोजोरगोनां जिलाफोराव मोन 21.3 जथुमाफोर खुंनाय जादोंमोन आरो 3.66 कौटिनि बांसिन एन्टिजेनफोरबो होनाय जादोंमोन। मिसन इन्द्रधनुषनि खोलोब 3 खौ मोन 216 जिलाफोरखौ लाफानानै 7 एप्रिल 2016 निफ्राय जागायनाय जादोंमोन। बेफोर जिलाफोराव एप्रिलनिफ्राय जुलाइ 2016 नि गेजेराव सानस्निनि हाबाफारिजों मोनब्रै गोख्रों थिखा थु नाय हाबाफारिखौ दैदेननाय जादोंमोन। बे मोन 216 जिलाफोरखौ जाय जिलाफोराव आबुं थिखा थुनाया 60 जौखोन्दोनिबो कम जादों आरो थुज्रांना गारनायनि हारा बांसिन बेफोर बादिखौ सिनायथिना सायखʼनाय जादोंमोन। बोसोर 2 बैसोनि गथʼनिफ्राय बेयो 5 बोसोर बैसोसिमनि गथʼफोरनि सायाव नोजोर होदोंमोन आरो गोरबोआव गथʼ गोनां आइजोनो दिपिटि बुस्टार होनाय आरो टिटेनास टक्सइद बिजि थुनायसिम बेयो बांदोंमोन। गासै, गिबि मोनथाम खोलोबाव, 28.7 लाख थिखा थुनाय हाबाफारिखौ फोजोबनाय जादोंमोन, जेराव 2.1 कौटि गथʼफोरखौ सोफानाय जादोंमोन आरो बेफोरनिनो 55 लाख गथʼफोरनो आबुं थिखा थुनाय जादोंमोन। फारसेथिंजाय गोख्रों नोजोरगोनां 497 जिलाफोरनि गासै सा 55.9 लाख गोरबोआव गथʼ गोनां आइजोफोरनो टिटेनास टक्साइट थिखा थुनाय जादोंमोन। मिसन इन्द्रधनुषखौ जागायनाय समनिफ्राय आबुं थिखा थुनायनि हारा 5 जौखोन्दोनिफ्राय 7 जौखोन्दोसिम बांदोंमोन। बे बिफानखौ टेकनिकेलि WHO, UNICEF, Rotary International आरो गुबुन दानहोग्रा पार्टनारफोरा मदद खालामदों। फोसाव बिजों, गावजोंगाव फोनांजाब राहा आरो गोख्रोङै नायफामनाय आरो नोजोर होनाया मिसन इन्द्रधनुषनि मोनफा मोनफा नोजोरहोनो गोनां बिथिंफोर।

नोजोराव थानाय ओनसोलफोर

मिसन इन्द्रधनुषा 2016 मायथाइनि गेजेराव गिबि खोलोबाव मोन 201 गोख्रों नोजोरहोजानाय जिलाफोर, नैथि खोलोबाव मोन 297 जिलाफोर आरो थामथि खोलोबाव मोन 216 जिलाफोरखौ टार्गेट खालामदों। जिलाफोरनि गेजेराव, मिसना पलिअ होखारनाय हाबाफारिनि सिङाव सिनायथिजानाय गोख्रों जेंना गोनां जायगाफोरखौ लादों। बे ओनसोलफोरा भुमखौराङारि, सुबुंदाथायारि, हारियारि आरो गुबुन गुबुन जेंनाफोरनि थाखाय मोजाङै जोथोन लाजायै ओनसोलफोर। फोरमान बादियै, बांसिन थिखा थुजायै आरो खाव-थिखा थुजानाय गथʼफोरा बे ओनसोलनि थाग्राफोर।

जरʼखा थिखा थुनाय फोसावनायनि गेजेरजों गाहायाव होनाय जायगाफोरखौ टार्गेट खालामनाय जादोः

1. पलिअ होबथा हाबाफारिनि सिङाव गोख्रों जेंनागोनां होनना सिनायथिजानाय ओनसोलफोर।बेफोर बै ओनसोलाव थानाय सुबुंफोरखौ लाफायो जायः

  • नबथि सोलायनानै नोगोरनि स्लामाव थाफैदों
  • न गैजायैफोर
  • इटा भाटायाव खामानि मावग्राफोर
  • न एबा गुबुन माबा लुनायाव खामानि मावग्राफोर
  • गुबुननिफ्राय हाबफैग्राफोर (ना हमग्राफोरनि गामि, थाथिरै मानसिफोर थाग्रा दैमा सेरनि ओनसोलफोर बायदिसिना)
  • गुबुनजों अनसायजायै आरो मोनहासʼनो गोब्राब मानसिफोर (हाग्रा ओनसोलाव थाग्रा आरो ट्राइबेल सुबुंफोर बायदिसिना)

2. कमै थिखा थुबाय थानायजों (RI) लाफाजानाय ओनसोलफोर(लोन्थि/थिखाजों होबथाहानाय बेरामफोरनि (VDP) दबथायखʼहायै जानाय)

3. लांदां लेङाय-मावखुलि ओनसोलफोरः रावबो एएनएम खौ थांनाय दानथामाव दैथायहरनाय जायाखै।

4. थिखा थुबाय थानाय (RI) हाबाफारिखौ मोनै ओनसोलफोरः एएनएम फोरा गोलाव सुटियाव दं आरो बेफोर बादि गुबुन माबा जाहोन

5. फिसा फिसा गामिफोर, ओनसोलफोर, धानिफोर एबा पुर्बाफोर जायफोरखौ RI हाबाफारिनि थाखाय गुबुन गामिफोरजों दाजाबफानाय जादों आरो जायफोरा उदां RI हाबाफारिफोर गैजाया।

मिसन इन्द्रधनुष-लाफाजानाय जिलाफोर

खोलोब 1-मोन 201 जिलाफोर

खोलोब 2-मोन 352 जिलाफोर

मिसन इन्द्रधनुषनि खोलोब 2 आव सोफाजानाय जिलाफोरनि आबुं फारिलाइखौ मिथिनो थाखाय बेयाव क्लिक खालाम।

खोलोब 3-मोन 216 जिलाफोर

मिसन इन्द्रधनुषनि बिथांखि

मिसन इन्द्रधनुषा मोनसे हादरनां थिखा थुनाय हाबाफारि जायनि गेजेरजों कमसिन थिखा थुजानाय जिलाफोरखौ जरʼखा नोजोर होनायजों लोगोसे हादरनाङैनो थिखा थुजानायफोरनि हारखौ बांहोनो नोजोर होनाय जादों।

फोरमान आरो मोजां सरʼनि सायाव सोनारनाय बे हाबाफारिया, मोनब्रै गाहाइ बिथिंफोरखौ सोफागोन-गासैबो थाखोआव केम्पेइन/हाबाफारिफोरनि नांगौ रोखोम बिथांखि:

थिखा थुबाय थानाय हाबाफारिनि समाव मोनफ्रोमबो जिलानि गासैबो ब्लकफोर आरो नोगोर ओनसोलफोराव थोजासे थिखा थुग्रा मानसिफोर आरो थिखा थानायखौ फिसा फिसा बिथांखिनि सिङाव थि खालामना फोसाबना होनाय। नोगोरनि स्लामफोर, न लुनाय एबा गुबुन माबाफोर लुनाय जायगा, इटा भाटा, न गैजायैफोर थाग्रा जायगा आरो गोरलैयै सहासʼनो हायै जायगाफोरनि सा 400,000 निख्रुइबो गोख्रों देहा जेंनायाव थाग्रा गथʼफोरनि सेरसिम सहैनायनि जरʼखा बिथांखि सुजुनाय।

नांगौरोखोम फोनांजाब आरो समाज सांग्रांथि लाबोनायनि नाजानाय: फोसाव बिजों, सुबुं फोनांजाब, फरायसालि, लाइमोन फोनांजाब आरो कर्परेटफोरनि गेजेरजों थिखा थुबाय थानाय हाबाफारियाव समाजनि बाहागो लानायखौ बांहोनो थाखाय गोनां-जानायफोरजों फोनांजाब हाबाफारि लानानै थिखा थुनाय खामानिनि फारसे सांग्रांथि आरो गोनांथि जानायखौ बांहो।

देहा बिफानारि आरो सिगां थाखोनि मावग्राफोरनो नांगौरोखोम ट्रेइनिं होनाय: गुनगोनां थिखा थुनाय खामानि मावफुंनो थाखाय थिखा थुबाय थानाय हाबाफारियाव देहा बिफानारि आरो खामानि मावग्राफोरनि गोहो गियानखौ बांहो।

तास्क फर्सनि गेजेरजों खामानियाव गोनां महर होनाय: भारतनि गंफ्रोमबो जिलाफोराव जिला तास्क फर्सखौ थिखा थुनायनि थाखाय गोख्रों खालामनानै जिला खुंथाइ आरो देहा बिफानारिनि बाहागो लानाय आरो बिबान/मालिकिसत्वखौ बांहो आरो होखानाय समनि गेजेराव थालांनाय खंख्लाखौ सुफुंनो थाखाय आखाइयाव ला।

हादराव थिखा थुबाय थानायखौ बांहोनो थाखाय देहा आरो नखर अनसाइ बिफाना गुबुन गुबुन बिफानफोर, सोलिबाय थानाय हाबाफारिफोर आरो हादर गेजेरनां लोगो हान्जाफोरजों मोनसे जथाइ आरो गोख्रों नोजोर फसंनो हागोन।

फुंखा: देहा आरो नखर अनसाइ बिफान



© 2006–2019 C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate