मोन्नो हाथाव भारत अभियान

बेंगुरा सुबुंफोरनि मोन्थाय

बेंगुरा सुबुंफोरनि थाखाय (PwDs) सरासनस्रा मोन्नांगौ खाबुफोरखौ बिसोरनो मोनहोनो समानथाय सुबिदा आरो उदाङै थांना थानो आरो गंसे थाफादेर समाजनि जिउनि गासै बिथिङाव आबुङै बाहागो लानायनि थाखाय गोनांथि होदों।

बेंगुरा सुबुंफोरननि (समानथाय सुबिदाफोर, मोन्थायखौ रैखा खालामनाय आरो आबुङै बाहागो लानाय) 1995 एक्ट, 44. 45 आरो 46 खोन्दोनि सिङाव बाहागोआरि महरै फारियै रोगाथायाव हेंथा गैयि, लामायाव हेंथा गैयि आरो आबहावा दानायाव हेंथा गैयिनि मोन्थाय होदों। जथाय हादर आफाद बेंगुरा सुबुंफोरनि मोन्थाय (इउ.एन.सि.आर.पि.दि.), जेराव भारता सागानगिरि, दफा 9 नि सिङाव बेंगुरा सुबुंफोरनो होनो गोनां मोन्थायखौ मोन्नो हानाय (अ) मिथिथाय, (आ) दैथायनाय, (इ) सावस्रि आबहावा, (ई) बिरोंदामिनारि फोनांजाबनाय आरो (उ) सिबिथायखौ मोन्नायजों लोगोसे हरखाब सिबिथायखौ मोन्नायनि सरकारखौ मावथारनांगौ खालामहोदों। बिफाना जथाय हादर रांखान्थि आरो समाजारि आयग एसिया आरो पेसिफिक (इउ.एन.आ.एस.सि.ए.पि.) नि एसिया आरो पेसिफिक जिथाय बेंगुरा सुबुंफोरनि नैथि जथुमनि मावफुं हान्जाखौ उ.एन.आ.एस.सि.ए.पि. नेहाथारिखजों लोगोसे 2-3 मार्स 2015 माइथायाव गोदोन दिल्लियाव जागायो। बेंगुरा सुबुंफोरनि थाखाय बे मावफुं हान्जाया इउ.एन.आ.एस.सि.ए.पि. नेहाथारिखजों इनकियननि बाहायथि “मोन्थायखौ थार खालाम” खान्थिखौ नायनो दाजानाय। इनकियननि थांखि 3 आ सावस्रि आबहावा मोन्नायखौ दावगाहोनाय, राइजोआरि रोगाथाय, गियान, मिथिथाय आरो फोनांजाबनायजों सोमोन्दो गोनां।

मोन्नो हाथाव भारत केम्पैननि थांखिफोर (सुगम्या भारत अभियान)

बेंगुरा सुबुं गोख्रों खालामनाय बिफान (DEPwD), सुबुं बिजिरथाय आरो गोख्रों खालामनाय मन्त्रालया “मोन्नो हाथायव भारत केम्पैन (सुगम्या भारत अभियान)” खौ मोनसे हादरनां अभियाना गुदि मोन्थायखौ मोन्नाय महरै समानथाय मोनथाय आरो उदाङै थांना थानाय आरो गंसे जथाय समाजाव जिउनि गासै बिथिङाव बाहागो लानो लामा होदों। केम्पैना मोन्नो हाथाव आबहावा दानाय, रोगाथाय राहा आरो मिथिथाय आरो फोनांजाबनाय सोरदिंथाय खान्थिखौ बांहोनो थांखि लादों।

थांखिफोरखौ उनसंनो गोनां

मोनसे बांबा मोखांनि गुदि थादेरसा गोनां थांखिखौ केम्पैन खालामनो थाखाय नाजावनाय जागोन जेरैहाय (क) केम्पैननि दैदेनगिरिखौ हेफाजाब होनाय, (ख) राइजो राजाफोरनि सांग्रांथि, (ग) मावसुमानि गेजेरजों हामोन्थाय गोहो दानाय, (घ) नांफानाय (थि आयेनारि माव-महर, बिरोंदामिन बोस्रांनाय, फुंखा सोरजिनाय बायदि बायदि) आरो (ङ) मोनसे राइजोआरि-गावारि लोगो गेदेर कम्पानिनि खोन्दोआव मुलाम्फा दैखांनायाव गोसो होगोन। बेंगुरा सुबुं गोख्रों खालामनाय बिफाना मोन्नो हाथाव सोमोन्दैनि सांग्रांथि गोसारहोनाय आरो मोन्नो हाथाव सोरजि दाथायखौ हेफाजाब होनाय, मोन्नो हाथाव रोगाथाय आरो मोन्नो हाथाव वेबसाइट बायदिफोराव राइजोजों MOU आव सागान होगोन।

प्रस्ताब खालामनाय गुबै थांखि

केम्पैननि सिङाव दं

• फैगौ 2018 माइथायनि जुलायाव सरकारा दानाय गासै हादरारि आसोल धोन आरो राइजोआरि आसोल धोनफोरखौ बेंगुरा सुबुंफोरनो आबुङै खमैबो 50% मोन्नो हानाय खालामगोन।
• 2016 माइथायनि जुलायाव हादराव गासै हादर गेजेरनाङारि बिग्रा गाथोन आरो रेल स्टेसननि A1, A & B थाखोफोरखौ आबुङै मोन्नो हानाय खालामगोन।
• समाजारि बिजिरथाय आरो गोख्रों खालामग्रा मन्त्रालया फैगौ 2018 माइथायनि मार्साव केम्पैना खसरा खालामनाय बादियै खमैबो 10% सरकारा लानाय राइजोआरि रोगाथायखौ हादराव सोलायना आबुङै बेफोर सुबुंफोरनो मोन्नो हाथाव खालामना होगोन।
• बेखौबो थि खालामनाय जादों दि 2018 माइथायनि मार्साव खमैबो 50% मिरु सरकार आरो राइजो सरकारा होनाय गासै राइजोआरि फोरमान बिलाइफोरखौ बेंगुरा सुबुंफोरा मानगोनां थाखोआव मोन्नो हानाय जागोन।

फुंखा

1. पिआइबि
2. बेंगुरा सुबुं गोख्रों खालामग्रा बिफान, समाजागि बिजिरथाय आरो गोख्रोंखालामग्रा मन्त्रालय, भारत सरकार।