PM- CARES गथ’साफोरनि थाखाय बिथांखिखौ 29 मेनि 2021 माइथायाव बेखेवजेनदोंमोन। बेनि थांखिया जाबाय गथ’साफोरखौ हेफाजाब खालामनाय, जायहा बिमा-बिफा सानैबो थैजादोंमोन एबा लिगेल नायग्रा एबा खांनाय बिमा-बिफा एबा गुबुननिख्रुइ गोबावसिन थांना थानाय बिमा-बिफाया जुरिजेनायनिफ्राय 11 March 2020 निफ्राय 28 February 2022 सिमाव COVID-19 महामारि जायनाय समाव । बे बिथांखिनि थांखिया गथ’साफोरखौ गुवारै जोथोन लानाय आरो मोनसे सहायहाथाव आखुजों रैखाथिनि रोखा खालामनानै होदों, आरो देहाआरि रादाय रासिनि गेजेरजों बिसोरनो मोजाङै थांना थानायनि हानाय खालामनानै होदों, सोलोंथायनि गेजेरजों बिसोरनो मोनथाखौ होदों आरो बिसोरो जेब्ला 23 बोसोर बैसो सिम सौवहैजासिम रांखान्थियारि हेफाजाब जों लोगोसे गावनो थोजासे जोरथायनि थाखाय जगार खालामनानै होनाय । जाथाव गुन जायहा Covid 19 जानानै बिमा-बिफा एबा गुबुननिख्रुइ गोबावसिन थांना थानाय बिमा-बिफा एबा लिगेल नायग्रा/ खांनाय बिमा-बिफा सानैखौबो खोमानांनाय गासैबो गथ’साफोरखौ PM-CARES गथ’साफोरनि थाखाय बिथांखिनि सिङाव हेफाजाब होनाय जागोन। गथ’साफोरनि मुलाम्फाफोर 1. गथ’नि मुङाव Fixed Deposit: PM CARE या जेब्ला बियो 18 बोसोर बैसोसिम सौहैयो अब्ला गासैबो गथ’नि थाखाय 10 लाक रां फाण्डनि थाखाय बिसेश महराव बिथांखिनि गेजेरजों दान होगोन। बे फाण्डफोरा जाबाय: 18 बोसोर बैसोनिफ्राय दान मोनफ्रामबो रांखान्थियारि हेफाजाब/ रां बान्था होनो थाखाय बाहायनाय जागोन, फैगौ बा बोसोरनि थाखाय बिनि गावनो गोनांथि जानाय गासैबो गोजौ सोलोंथाइ समाव नांगौ जानाय आरो जेब्ला 23 बोसोर बैसोसिम सौवहौयो अब्ला, बिनो गावनि आरो प्रफेससेनेलाव बाहायनो थाखाय खेबसे lump-sum रां मोनगोन। 2. फरायसालि सोलोंथाइ: 10 बोसोरनि सिङाव गथ’साफोरनि थाखाय: गथ’खौ खाथिसिनाव थानाय Kendriya Vidyalaya एबा private फरायसालियाव सान फरायसा महरै थसननाय जागोन। जुदि गथ’आ private फरायसालियाव थिसन जायो, अब्ला PM CARE नि गेजेरजों RTE नि सासन बायदियै फिसखौ होनाय जागोन। PM-CARE आ uniform, text book फोर आरो notebook फोरनि थांनाय रां खरसाफोरखौबो होगोन। 3. फरायसालि सोलोंथाइ: 11-18 बोसोर गेजेरनि गथ’साफोरनि थाखाय: गथ’खौ जायखिजाया मिरु सरकारि फरायसालियाव जेरै- Sainik School, Navodaya Vidyalaya बायदि बायदि फरायसालियाव थिसननानै होगोन। जुदि गथखौ नायग्रा / बिबौ-बिबै/ बारायबाय नखरनि सिङाव जाबाय थानाय लाखिनाय जायो, अब्ला बिनि खाथि सिनाव थानाय Kendriya Vidyalaya एबा private school याव सानसेनि थाखाय सोलोंसा नि महराव थिसननाय जागोन। जुदि गथ’आ private फरायसालियाव थिसन जायो, अब्ला PM CARE नि गेजेरजों RTE नि सासन बायदियै फिसखौ होनाय जागोन। PM-CARE आ uniform, text book फोर आरो notebook फोरनि थांनाय रां खरसाफोरखौबो होगोन। 4. गोजौ सोलोंथाइनि थाखाय हेफाजाब: दा सोलिबाय थानाय सोलोंथाइनि दाहाराव नेम खान्थि बायदियै भारताव Professional course आरो गोजौ सोलोंथाइनि थाखाय सोलोंथाइनि दाहार मुलाम्फा हेफाजाब खालामनानै होदों गथफोरनि थाखाय। बे दाहारखौनि लाबखौ PM CARE या होगोन। जायखि जाया मोनसे फोरोंनायनि होनो गोनां रांखौ समानै रांबान्था/ आनडारग्रेडइउएट कर्चनि थाखाय होनो गोनां रां/ बि बायदि गथफोरखौ मिरु एबा रायजो सरकार बिथांखिनि सिङाव सरकारनि नर्म बायदियै जिउ खुंनायनि कर्चयाव होनाय जागोन। जाय गथफोरा बेनि थाखाय दा सोलिबाय थानाय रां बान्था बिथांखिनि सिङाव जाथाव नङा, PM CARE या समानै रां बान्था होगोन। 5. देहायारि रादाय रासि गासैबो गथसाफोरा Ayushman Bharat बिथांखिनि (PM-JAY) सिङाव 5 लाक रांनि देहायारि रादाय रासिखौ लाफानानै मुलाम्फायारिनि महराव मुं थिसननाय जागोन। 18 बोसोर बैसोसिमाव बिसोर गथसाफोरनि थाखाय प्रिमियाम रांखौ PM CARE या होगोन। माबोरै आरज गाबगोन अनलाइ आरजनि थाखाय, बेयाव हाब https://pmcaresforchildren.in/ Source : https://pmcaresforchildren.in/