सुंद’ थांखि धानालकसिमि बिथांखिया रादाय रासिनि खोबथेनाय मोनसे नेमनि सिङाव होनाय रांनि बिथांखि हिन्जावसा गथ’नि थाखाय । बेखौ 3 March नि 2008 याव आइजो आरो गथ’ जौगाखांनाय मन्थ्रिजों, भारत सरकारा बेखेवजेनदोंमोन । बे बिथांखिनि थांखियानो जाबाय उन्दै गथखौ हाबा होनायनिफ्राय जानगाराव थाहोनो हानायनि बिमा-बिफाखौ गोसोबोगखाबनो हानायनि रादाय रासि होदों, आरो बिमा-बिफाखौ गावसिनि फिसाफोरखौ लेखा-फरा फोरोंनायजों लोगोसे हिनजावसा गथ’साफोरनि थाखाय देहाआरि फाहामथायनि खरसाखौ होगोन होना थुलुंगाखांदोंमोन । बे बिथांखिनि थांखियानो जाबाय हिनजावसा गथ’फोरनि जिउखौ बेसेन गोसा खालामनाय आरो बिसोरखौ बिबान गैयि बायदि बाहायि । जिखि जाया बे बिथांखिखौ दा मावफुंथनाय जायाखै। मुलाम्फाफोर 8 November, 2008 नि उनाव जोनोम जानाय गासैबो हिनजावसा गथ’ फोरनि थाखाय गिबिसिन 5,000 रांनि थुलुंगा खादों सरकारा बे बिथांखिनि सिङाव मुंथिसननाय सुबुंफोरनो । उन्दै समाव हाबा होनायखौ होबथनो थाखाय, बिथांखिया बिमा-बिफाफोरनो रादाय रासि 1 लाक रां होदोंमोन, जेब्ला हिनजावसाया 18 बोसोर बैसिनि जादोंमोन आरो जुदि हिनजावसाया हाबा जायाखैमोन। जाथाव गुन बे बिथांखिनि थाखाय जाथाव गुना जाबाय 8 November, 2008 नि उनाव जोनोम जानाय गासैबो हिन्जावसा गथ’फोरानो । गासैबो हिनजावसा गथ’फोरा, समाजारि-रांखान्थि बिथिंङाव लोरबां बिसोर बायदि गथ’साफोरा जाथाव। मावफुंनायनि एजेनसि रायजो सरकारनि आइजो आरो गथ’ जौगाखांनाय बिफाननि बिथांखिया रां राननानै होनाय आरो गासैबो मावफुंनायनि बिबानखौ लाजोबदों, बेबायदिनो रादाय रासि आरो होनो गोनां जानाय गासैबो बिबानखौ लागोन Life Insurance Corporation of India (LIC) या।