অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

इ-गभार्नेन्स

  • e-governance image

    गियान खुलि बानजायग्राफोरखौ गोख्रों खालामनाय

    भारतनि गामियारि थासारिया जौगाबोनाय खौरां आरो फोनांजाब बिरोंदामिननि खाबुखौ लानायनि थियारि जादों, गाहायै जथाइ खामानि खुलि (CSC) नि हाबाफारिफोरखौ। बिकासपेदियाया सासेया गुबुन सासेनि रोंगौथिखौ रानलायनो आरो सोलोंलायनो हानाय बादियै गियान खुलि बानजायग्राफोर आरो VLE फोरनि गेजेराव मोनसे राहा खालामनानै होदों।

  • e-governance image

    भारताव इ-खुंथाइ सोमावसारनायखौ मदद होनानै

    भारतनि इ-खुंथाइ सोमावसारनाया मानसिफोरा सरकारनि हाबाफारिफोरखौ गोरलैयैनो मोनफुंनो हानायाव मदद होदों। बिकासपेदियाया सुबुंफोरनि गेजेराव हादरनां आरो राइजो थाखोआव मोननो हानाय बायदिसिना अनलाइन सिबिथाइ/हाबाफारिफोरनि सोमोन्दै सांग्रांथि लाबोनो नाजादों।.

बांसिन खुंथाइ, कमसिन सरकारनि थाखाय इ-खुंथाइ

इ-खुंथाया भारताव मोनसे जथाइ दावगानाय लाबोना होफैबाय जाय मोब्लिबारि सिबिथाइफोर, दिहुनथाइफोर, आगजुफोर आरो खामानिनि खाबुफोर दिहुनना होबाय। बे जौगानायनि सिङाव मोनसे हाबाफारिया जादों दिजिटेल भारत। दिजिटेल भारत हाबाफारिया भारत सरकारनि मोनसे गोख्रों हाबाफारि जायजों भारतखौ दिजिटेलजों गोख्रों खालामनो नाजानायजों लोगोसे मानसिफोरनि गियानजों रांखान्थि बिथिंखौबो गोख्रों खालामनो नाजानाय जादों।

दिजिटेल भारत हाबाफारिनि नोजोरखौ सिगाङाव लाखिनानै बिकासपेदियाया “नोगोरोरिफोरखौ दिजिटेल बिजोंजों गोख्रों खालामनाय” बे गाहाइ बिथिङाव मदद होगोन। गावनि बायदिसिना खामानिनि गेजेरजों, बिकासपेदियाया दिजिटेल बिजोंजों सोलोंथाइ होनाय आरो दिजिटेल फुंखाफोरखौ बयबो मोननो हानाय खालामगोन। जायजों दिजिटेल फुंखा/सिबिथाइफोरखौ मोनसे जथाइ दिजिटेल प्लेटफर्मनि गेजेरजों गुबुन गुबुन भारतारि रावाव मोननो हागोन।

बे पर्टेलनि इ-खुंथाइनि गाहाइ नोजोरानो जादों खेबसेयैनो अनलाइन नोगोरारि सिबिथाइ, राइजो लायै राइजो थानाय इ-खुंथाइ हाबाफारिफोर आरो अनलाइननि आइनारि सिबिथाइ, मबाइल खुंथाइ, आर टि आइ बायदिनि सोमोन्दै खेबसेनो गुमुर होनानै भारताव सोलिबाय थानाय इ-खुंथाइ सोमावसारनायखौ मदद होनाय। VLE फोरखौ गोख्रों खालामनायखौ नोजोराव लाखिनानै बे पर्टेलाव “VLE खना” मुंनि मोनसे आलादा खना दोननाय जादों जायजों बिसोर बायदिसिना फुंखा मुवाफोरजों गोख्रों जानो हागोन आरो गाव गावनि रावाव बेनि रोंगौथिफोरखौ रानलायनो मोनसे प्लेटफर्म मोनगोन।

भारताव इ-खुंथाइ

बे खोन्दोआव हादरनां इ-खुंथाइ मावथांखि, 2.0 हाबाफारि, फुंखाफोर आरो राइजो-थाखोआव लानाय बायदिसिना इ-खुंथाइ हाबाफारिनि रोखा गुमुर होयो।

आर टि आइ एक्ट 2005 नि सोमोन्दै

खौरां लानायनि मोनथाइ आइन 2005 (RTI) आ “नोगोरारिफोरनो खौरां लानायनि मोनथाइ होनायखौ मोनहोनायनि मोनसे आइन” जाय भारतनि पार्लियामेन्टनि मोनसे आइन। बे आइना जम्मु आरो काश्मीरनि अनगायै भारतनि गासैबो राइजोफोर आरो मिरुजों खुंजानाय राइजोफोराव बाहायजायो।

अनलाइन इ-खुंथाइ सिबिथाइ

बे खोन्दोआव अनलाइन नोगोरारि सिबिथाइजों लोगोसे सुंदʼ सुंदʼयै बायदिसिना सोमोन्दोगोनां बाहायथाव फोनांजाबनि सोमोन्दै गुमुर मोनगोन।

VLE फोरनि थाखाय फुंखाफोर

बे खोन्दोआव CSC फोरनि सोमोन्दै रोखा गुमुर होनायजों लोगोसे VLE फोरनि थाखाय बायदिसिना बाहायथाव फोनांजाब आरो सिबिथाइफोरनि गुमुर होगोन।

मबाइल खुंथाइ

बे खोन्दोआव भारताव खरʼ दैखांबोनाय मबाइल खुंथाइ आरो मोनसे सुंदʼ फोरमायथिजों लोगोसे बायदिसिना सोमोन्दोगोनां आरो बाहायथाव फोनांजाबनि गुमुर होगोन।

भारताव आइनारि सिबिथाइ

बे खोन्दोआव अनलाइन आइनारि सिबिथाइ हाबाफारि आरो बायदिसिना बाहायथाव फोनांजाबनि गुमुरनि सोमोन्दै रोखा फोरमायना होगोन।



© 2006–2019 C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate